21:15- Իտալիայում կարանտինային սահմանափակումների մեծ մասի չեղարկումը թույլ է տվել հագուստի խանութների 90 տոկոսի և ռեստորանների 70 տոկոսի բացումը: |tert.am|
20:10- Ուհան քաղաքում ավելի քան 457 000 թեստավորում է կատարվել երկուշաբթի, բոլոր բնակիչներին թեստավորելու նախաձեռնությունը մեկնարկել է նախորդ շաբաթ: Ըստ քաղաքային իշխանությունների՝ այս պահի դրությամբ՝ Ուհանում 1.3 մլն մարդ է թետավորվել մայիսի 12-ից ի վեր: |CNN| |tert.am|
19:40- Շարունակվում են բողոքի ակցիաները Բրազիլիայում: Հարյուրավոր մարդիկ դուրս են եկել փողոց և պահանջում են, որպեսզի իշխանությունները չեղարկեն կարանտինային սահմանափակումները: Ակցիայի մասնակիցների մեծ մասը չի կրել դիմակներ: Ակցիային է միացել նաև երկրի նախագահը: Վերջինս ցանկանում է արագ «բացել» երկիրը՝ նշելով, որ վիրուսը վտանգավոր չէ բնակչության մեծ մասի համար: |Reuters| |shantnews.am|
16։31- Գերմանիայում կորոնավիուսի սահմանափակումները մեղմացնելուց հետո վարակի նոր օջախներ են ի հայտ եկել, այս անգամ մսամթերքի արտադրության գործարանում: Դադարեցվել է մսամթերք արտադրող խոշոր ընկերություններից մեկի աշխատանքը: Այնտեղ 90-ից ավելի աշխատակից վարակվել է: Բեռլինում կորոնավիրուսի հարցերով կառավարական կոմիտեն նիստ է հրավիրել իրավիճակը քննարկելու համար: Բոլոր վարակվածները մեկուսացվել են: |armenpress.am|
16։01- ՌԴ-ում կորոնավիրուսի վարակակիրների թվում են Պետդումայի առնվազն վեց պատգամավորներ: Պաշտոնապես հաղորդվում է, որ նրանցից երկուսն արդեն ապաքինվել են, երկուսը գտնվում են հիվանդանոցում, մյուսներն էլ բուժումն անցնում են տանը: Ավելի վաղ վարակվել էին նաև կառավարության մի շարք անդամներ, այդ թվում` վարչապետ Միխայիլ Միշուստինը, ինչպես նաև Կրեմլի խոսնակ Դմիտրի Պեսկովը: Այսօր հաղորդվեց, որ Միշուստինը դուրս է գրվել հիվանդանոցից և անցել պարտականությունների կատարմանը: |azatutyun.am|
15։17- Իրանում կորոնավիրուսի մայիսի 19-ի վիճակագրական տվյալները.
Վարակակիրների թիվն ավելացել է 2.111-ով
Ընդհանուր՝ 124.603
Մահացածների թիվն ավելացել է 62-ով
Ընդհանուր՝ 7.119
Ապաքինվածների թիվն ավելացել է 1.512-ով
Ընդհանուր՝ 97.173
[Իրանում ՀՀ դեսպանություն]
13։59- Անգլիական Պրեմիեր լիգայի ֆուտբոլիստներն այսօրվանից սկսում են մարզումները, սակայն որոշակի կանոններով. դրանք պետք է անցնեն փոքր խմբերով, յուրաքանչյուրում՝ առավելագույնը հինգ ֆուտբոլիստ, տևողությունն էլ չպետք է գերազանցի 75 րոպեն: Մարզիկները, հնարավորության դեպքում, պետք է նաև սոցիալական հեռավորության նորմերը պահպանեն: Պատասխանատուները զգուշացրել են` անակնկալ ստուգումներ են անցկացնելու, հետևելու են կանոնների պահպանմանը նաև հեռակապի ու նորագույն այլ տեխնոլոգիաների միջոցով: |azatutyun.am|
13։09- Համաշխարհային առաջնորդները, որոնք հավաքվել են պատմության մեջ առաջին անգամ առցանց ձևաչափով անցկացվող Առողջապահության համաշխարհային վեհաժողովի շրջանակում, կոչ են արել երկրներին միավորվել կորոնավիրուսի դեմ պայքարում: ՄԱԿ-ի գլխավոր քարտուղար Անտոնիո Գուտերեշը, ով իր ելույթով բացել է վեհաժողովը, հանդես է եկել խիստ նախազգուշացմամբ: Նրա կարծիքով, աշխարհի երկրները կբախվեն շոշափելի վախի ու անվտանգության բացակայության խնդրին, եթե մահացու վտանգավոր հիվանդությունը չկանգնեցվի բոլոր տեղերում: Գուտերեշն ընդգծել է, որ համավարակի հետևանքները կարող են ավելի կործանարար լինել: |armenpress.am|
12։11- Եվրամիության դեղորայքի վերահսկողության գործակալության ղեկավար Գիդո Ռասին ասել է, որ ամերիկյան Գիլիըդս ընկերությունը ստացել է ռեմդեսիվիր դեղը որպես COVID-19 բուժող միջոց կիրառելու նախնական արտոնագիր Եվրոպական դեղամիջոցների գործակալությունը (EMA) արդեն իսկ խորհուրդ է տվել օգտագործել ռեմդեվիսիրը, թույլ տալով դեղամիջոցը տրամադրել հիվանդներին նախքան դրա լիովին հաստատումը: |amerikayidzayn.com|
11։54- Մոսկվայի քաղաքային հիվանդանոցներից մեկից դուրս է գրվել 100 տարեկանից բարձր երկու կին: Նրանք վարակված են եղել կորոնավիրուսով և հաջող բուժում են անցել: կին պացիենտներից մեկը վերջերս դարձել է 101 տարեկան: Նա ունեցել է ուղեկցող մի շարք հիվանդություններ: Մյուս պացիենտը կես տարով մեծ է առաջինից, Հայրենական մեծ պատերազմի մասնակից է: Բժիշկներին հաջողվել է կայունացնել նրա վիճակը: |armenpress.am|
11։40- Վրաստանում կորոնավիրուսով վարակման միայն մեկ նոր դեպք է գրանցվել վերջին 24 ժամվա ընթացքում: Ընդհանուր առմամբ փետրվարի 27-ից ի վեր երկրում գրանցվել է 702 դեպք: Մեկ օրում վիրուսից ապաքինվել է 24 մարդ, բուժվածներն ընդհանուր առմամբ 456-ն են: Վիրուսից մահացել է 12 մարդ։ |aliq.ge|
11։19- Վաշինգտոնն ամբողջությամբ կդադարեցնի ԱՀԿ-ի ֆինանսավորումը և կվերանայի իր անդամակցությունը, եթե կազմակերպությունը 30 օրվա ընթացքում չանցկացնի բարեփոխումներ, որոնք պահանջում է ԱՄՆ-ն: Այս մասին ասված է ԱՄՆ նախագահ Դոնալդ Թրամփի նամակում՝ ուղղված ԱՀԿ ղեկավար Թեդրոս Հեբրեյեսուսին: Սպիտակ տան ղեկավարի խոսքով, իրենք անցկացրել են հետաքննություն՝ կապված կորոնավիրուսի տարածման առնչությամբ ԱՀԿ-ի անհաջող արձագանքին: |armenpress.am|
10:23- Աշխարհում COVID-19-ով վարակվածների թիվն անցել է 4 միլիոն 894 հազարը: Մահացածների թիվն անցել է 320 հազարը: Ապաքինվել է 1 միլիոն 908 հազար 111 մարդ: Վարակվածների թվով առաջին տեղում գտնվող ԱՄՆ-ում 1 միլիոն 550 հազար 294 հաստատված դեպք կա: Այստեղ մահացածների թիվը 91 հազար 981 է: Ընդհանուր ցուցանիշով երկրորդ տեղում հայտնված Ռուսաստանում կա 290 հազար 678 հաստատված դեպք: Մահերի թիվն այստեղ կազմում է 2 հազար 722: |armenpress.am|
10:05- Թուրքիայում մայիսի 18-ին կորոնավիրուսից մահացել է 31 մարդ։ 1 օրվա ընթացքում հաստատվել է կորոնավարակի 1․158 նոր դեպք։ Նույն ժամանակահատվածում գրանցվել է վարակակիրների մահվան 31 դեպք, իսկ ապաքինվել է 1․1615 մարդ։ Թուրքիայում մինչև օրս համավարակից ընդհանուր առմամբ ապաքինվել է 111.577 մարդ, արձանագրվել է վարակման 150.591, իսկ մահվան 4․171 դեպք։ |ermenihaber.am|
10:01- Չինաստանի հյուսիս-արևելքում կորոնավիրուսի նոր բռնկման պատճառով 108 միլիոն մարդ դարձյալ հայտնվել է կարանտինում։ Կարանտին է հայտարարվել Ցզիլին և Լյաոնին պրովինցիաներում։ Մասնավորապես, սահմանափակումների տակ են հայտնվել Ցզիլին (համանուն պրովինցիայի կենտրոնը) և Շուլան քաղաքները։ Վերջինս համարվում է կորոնավիրուսի նոր բռնկման օջախը։ Մայիսի 18-ի տվյալներով՝ Ցզիլին պրովինցիայում հայտնաբերվել է COVID-19-ի 34 դեպք, իսկ Լյաոնին պրովինցիայում՝ 3 դեպք։ |hetq.am|
09։37- Զբոսաշրջության հարցերով Ֆրանսիայի պետքարտուղար Ժան Բատիստ Լեմուան կոչ է արել մինչև հունիսի վերջ վերաբացել, որքան հնարավոր է, մեծ թվաքանակով տեսարժան վայրեր։ Արդեն մայիսի 16-ից Ֆրանսիայում բացվել են մի շարք լողափեր և զբոսաշրջային ուղղություններ։ Հունիսի 2-ից սկսած այն դեպարտամենտներում, որտեղ վիրուսի տարածումը մեծ չէ, կվերականգնվի սրճարանների և ռեստորանների աշխատանքը։ |hetq.am|
Նորություններ կորոնավիրուսի մասին, աշխարհ, 20․05․20
