19:20- Իսպանիայի կառավարությունը մայիսի 27-ից 10-օրյա պաշտոնական սուգ է հայտարարել` ի հիշատակ կորոնավիրուսի համավարակի հետեւանքով մահացած մոտ 30 000 մարդու: |news.am|


17։05- Իրանում կորոնավիրուսի մայիսի 26-ի վիճակագրական տվյալները.

• Վարակակիրների թիվն ավելացել է 1.787-ով
  Ընդհանուր՝ 139.511
• Մահացածների թիվն ավելացել է 57-ով
  Ընդհանուր՝ 7.508
• Ապաքինվածների թիվն ավելացել է 1.724-ով
  Ընդհանուր՝ 109.437

[Իրանում ՀՀ դեսպանություն]

16։29-  Կորոնավիրուսի դեմ պատվաստանյութի ստեղծման համար անցկացվող գլոբալ դրամահավաքի շրջանակում արդեն հավաքվել է 9,5 մլրդ եվրո: Այս մասին հայտնել է Եվրոպական հանձնաժողովի նախագահ Ուրսուլա ֆոն դեր Լեյենը: Ուրսուլա ֆոն դեր Լեյենը մայիսի 4-ին կազմակերպեց դոնորների միջազգային առցանց համաժողով: ԱՄՆ-ն հրաժարվել էր մասնակցությունից: Առաջին փուլում հավաքվել էր 7.4 մլրդ եվրո, այնուհետև մասնավոր դեմքերը, հիմնադրամները և կառավարությունները շարունակել են նվիրատվություններ կատարել: |armenpress.am|

14։36-  Չեխիան այսօրվանից բացում է սահմանները Ավստրիայի ու Գերմանիայի հետ, բայց` ոչ բոլորի համար. երկիր կկարողանան մտնել միայն Չեխիայի քաղաքացիները, երկրում մշտական բնակության իրավունք ունեցող օտարերկրացիները, Եվրամիության երկրների ուսանողները և գործարարները: Բոլոր եկվորները պարտավոր են հավաստագիր ներկայացնել, որ վարակված չեն կորոնավիրուսով, կամ երկշաբաթյա կարանտին անցնել: Վաղվանից կբացվի նաև Չեխիայի և Սլովակիայի միջև սահմանը։ Չեխերն ու սլովակները կարող են միմյանց այցելել և հարևան երկրում մնալ առավելագույնը 48 ժամ: |azatutyun.am|

12։38- Մոլդովան մայիսի 26-ից հանել է ավտոբուսային և երկաթգծային միջազգային ուղևորափոխադրումների արգելքը: Այն մտցվել էր կորոնավիրոսի տարածման դեմ պայքարի շրջանակում: Ուղևորները պետք է կրեն պաշտպանիչ դիմակներ, երկիր մուտք գործելիս նրանք կջերմաչափվեն, իսկ սրահները պետք է պարբերաբար ախտահանվեն։ Մինչև հունիսի 30-ը Մոլդովայում գործում է օտարերկրացիների մուտքի արգելքի ռեժիմը, բացառություն կլինեն տարանցիկ ուղևորափոխադրումները: |armenpress.am|

11։19- Կորոնավիրուսի վարակի հաստատված դեպքերն՝ ըստ վերջին տվյալների․

Հաստատված դեպքեր- 732 (+1)
Առողջացածներ- 537
Մահեր- 12 |stopcov.ge|

10։17-  Աշխարհում COVID-19-ով վարակվածների թիվն անցել է 5 միլիոն 590 հազարից: Մահացածների թիվն անցել է 347 հազարից: Ապաքինվել է 2 միլիոն 366 հազար 574 մարդ: Վարակվածների թվով առաջին տեղում գտնվող ԱՄՆ-ում 1 միլիոն 706 հազար 226 հաստատված դեպք կա: Այստեղ մահացածների թիվը 99 հազար 805 է: Ընդհանուր ցուցանիշով երկրորդ տեղում հայտնված Բրազիլիայում հաստատված դեպքերի թիվը հասել է 376 հազար 669-ի, մահերինը՝ 23 հազար 522-ի: Հաջորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 353 հազար 427 մարդ: Երկրում վարակի հետևանքով մահացել է՝ 3 հազար 633-ը: |armenpress.am|

10։05- Թուրքիայում մայիսի 25-ին կորոնավիրուսից մահացել է 29 մարդ։ 1 օրվա ընթացքում հաստատվել է վարակի 987 նոր դեպք։ Նույն ժամանակահատվածում գրանցվել է վարակակիրների մահվան 29 դեպք, իսկ ապաքինման 1․321 դեպք: Թուրքիայում մմինչև օրս համավարակից ապաքինվել է 120.015 մարդ, ընդհանուր առմամբ արձանագրվել է վարակման 157․814, իսկ մահվան 4․369 դեպք։ |ermenihaber.am|

09։52- Գերմանիայի դաշնային կառավարությունը նախատեսում է առնվազն մինչև հուլիսի 5-ը երկարաձգել առանձին անձանց միջև առնվազն 1,5 մետր սոցիալական հեռավորության պահպանման ռեժիմը, ինչպես նաև հանրային որոշ վայրերում, ներառյալ մթերային խանութներում և տրանսպորտում, դիմակներով մուտքը։ Բացի այդ, տնային պայմաններում և փակ հաստատություններում, ինչպես նաև հանրային վայրերում մասնավոր հավաքներին միաժամանակ կարող է մասնակցել մինչև 10 մարդ։ |hetq.am|

Նորություններ կորոնավիրուսի մասին, աշխարհ, 27․05․20

Կորոնավիրուսի շուրջ զարգացումներ, Հայաստան, 26․05․20

Նորություններ կորոնավիրուսի մասին, աշխարհ, 25․05․20