Պարտադիր պատվաստումները բացառվում են․ Ղարիբաշվիլի |azatutyun.am|
13:37 - 25 հոկտեմբերի, 2021

Պարտադիր պատվաստումները բացառվում են․ Ղարիբաշվիլի |azatutyun.am|

azatutyun.am: Վրաստանի վարչապետ Իրակլի Ղարիբաշվիլին բացառում է երկրի տարածքում կորոնավիրուսի դեմ պարտադիր պատվաստումների պրակտիկայի ներդրումը։ Այդ մասին վրացական կառավարության ղեկավարը հայտարարել է այսօր Թբիլիսիում՝ լրագրողների հետ զրույցի ընթացքում։

«Մեր քաղաքացիները ազատ ընտրության իրավունք և հնարավորություն ունեն։ Մենք Վրաստան ենք բերել բոլոր տեսակի պատվաստանյութերը։ Մենք պետք է համոզենք, այլ ոչ թե պարտադրենք մեր քաղաքացիներին, որ պատվաստումը միակ, այլընտրանք չունեցող որոշումն է», - հայտարարել է Վրաստանի վարչապետը։

Ավելի վաղ բնակչության մի շարք ռիսկային խմբերի պարտադիր պատվաստման հնարավորությունը չէր բացառել Վրաստանի հիվանդությունների կանխարգելման ազգային կենտրոնի ղեկավար Ամիրան Գամկրելիձեն։

Հոկտեմբերի 23-ի դրությամբ Վրաստանում պատվաստման ամբողջական կուրսն անցել է 921 հազար քաղաքացի, ինչը կազմում է երկրի բնակչության ընդհանուր թվի 32 տոկոսը։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել