18:34 - 04 հունվարի, 2022
Ղազախստանում բողոքի ակցիաների արդյունքում իշխանություններն իջեցրել են վառելիքի գինը |1lurer.am|
1lurer.am: Ղազախստանի իշխանությունները իջեցրել են Մանգիստաուի շրջանում վաճառվող հեղուկ գազի գինը: Տեղական լրատվամիջոցները հայտնում են, որ հունվարի 1-ից գազի գինը կրկնակի աճել էր՝ 60-ից հասնելով 120 տենգեի։
Ակտաու քաղաքում արդեն մի քանի օր է՝ չէին դադարում բողոքի ցույցերը: Քաղաքի կենտրոնական հատվածում քաղաքացիները վրաններ էին տեղադրել և նստացույց հայտարարել: Քաղաքացիները գազալցակայանների սեփականատերերին մեղադրել են դավադրության համար և պահանջել գազի գինը վերադարձնել նախկին գնին՝ հաշվի առնելով նվազագույն աշխատավարձի չափը։
Ակտաու են ժամանել երկրի փոխվարչապետ Երալի Տուգժանովը և էներգետիկայի նախարար Մագզում Միրզագալիևը: Նրանք հայտնել են, որ գազի գինը մեկ լիտրի համար կկրճատվի մինչև 50 տենգե։
Բողոքի ակցիաներ են անցկացվել նաև Ալմաթիում և Մանգիստաուի մարզի այլ քաղաքներում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)