10:40 - 05 մարտի, 2022
Մոսկվայի ժամանակով առավոտյան ժամը 10-ից ռուսական կողմը հայտարարում է լռության ռեժիմ․ ՌԴ ՊՆ
Այսօր Մոսկվայի ժամանակով առավոտյան ժամը 10-ից ռուսական կողմը հայտարարում է լռության ռեժիմ։ Այս մասին հայտնում է ՌԴ պաշտպանության նախարարությունը, փոխանցում է ՏԱՍՍ-ը։
«Բացվում են մարդասիրական միջանցքներ՝ Մարիուպոլից եւ Վոլնովախից խաղաղ բնակիչների դուրս գալու համար։ Մարդասիրական միջանցքնեն ու ելքի ուղղությունները համաձայնեցված են ուկրաինական կողմի հետ»,- ասվում է հայտարարության մեջ։
Հիշեցնենք, որ մարտի 3-ին տեղի ունեցած ռուս-ուկրաինական բանակցություններից հետո ռուսական պատվիրակության ղեկավար Մեդինսկին հայտնել էր, որ մի քանի դեպքում հաջողվել է փոխըմբռնում գտնել, սակայն հիմնական խնդիրը, որը լուծվել է, ռազմական բախումների գոտում հայտնված մարդկանց դուրսբերման խնդիրն է։
«ՌԴ ՊՆ և Ուկրաինայի ՊՆ ներկայացուցիչները պայմանավորվել են խաղաղ բնակչության ելքի համար մարդասիրական միջանցքների պահպանման ռեժիմի, հումանիտար միջանցքի հատվածում ռազմական գործողությունների ժամանակավոր դադարեցման մասին»,- ասել էր նա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)