16:46 - 08 մարտի, 2022
Չինաստանի նախագահը կոչ է արել «առավելագույն զսպվածություն» ցուցաբերել Ուկրաինայում
Չինաստանի նախագահ Սի Ծինփինը կոչ է արել «առավելագույն զսպվածություն» ցուցաբերել Ուկրաինայում և ասել, որ Չինաստանը «ցավով է տեսնում, որ Եվրոպայում պատերազմի բոցեր են բորբոքված»։ Այս մասին, ինչպես փոխանցում է «Reuters»-ը, հայտնոմ են պետական լրատվամիջոցները։
Նա, ելույթ ունենալով Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ վիրտուալ հանդիպման ժամանակ, ասել է, որ երեք երկրները պետք է համատեղ աջակցեն Ռուսաստանի և Ուկրաինայի միջև խաղաղ բանակցություններին։ Այս մասիին հաղորդում է Չինաստանի պետական CCTV հեռուստաալիքը:
Չինաստանի նախագահն Ուկրաինայում իրավիճակը բնութագրել է «մտահոգիչ» և ասել է, որ առաջնահերթություն պետք է լինի կանխել իրավիճակի էսկալացիան կամ «անվերահսկողությունից դուրս գալը»։
Նա նաև ասել է, որ Ֆրանսիան ու Գերմանիան պետք է ջանքեր գործադրեն ճգնաժամի բացասական ազդեցությունները նվազեցնելու համար, և մտահոգություն է հայտնել համաշխարհային ֆինանսների, էներգակիրների, տրանսպորտի և մատակարարման շղթաների կայունության վրա պատժամիջոցների ազդեցության վերաբերյալ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)