17:53 - 14 մարտի, 2022
«Տոչկա-Ու»-ով հարվածից հետո Դոնեցկում մարտի 15-ը սգո օր է հայտարարվել |tert.am|
tert.am: Ինքնահռչակ Դոնեցկի Ժողովրդական Հանրապետությունում (ԴԺՀ) մարտի 15-ը սգո օր է հայտարարվել՝ ի հիշատակ Դոնեցկի կենտրոնում Ուկրաինայի զինված ուժերի հարվածի հետևանքով զոհվածների։ Այս մասին երկուշաբթի հայտարարել է ԴԺՀ ղեկավար Դենիս Պուշիլինը։
«Այսօր ուկրաինացի նացիստները հրեշավոր ահաբեկչություն են իրականացրել Դոնբասում խաղաղ բնակիչների դեմ՝ Դոնեցկի կենտրոնում օգտագործել են «Տոչկա-Ու» հրթիռային համակարգը՝ կասետային լիցքավորմամբ։ Վաղը՝ մարտի 15-ը, սգո օր է հայտարարված»,- գրել է նա Telegram-ի իր ալիքում։
Պուշիլինը հայտնել է, որ վերջին տվյալներով զոհվել է 17 մարդ, ևս 28-ը վիրավորվել է: Վիրավորների թվում կա մեկ երեխա, տվյալները ճշտվում են։ Նա ընդգծել է, որ հարվածը հասցվել է ցերեկը, երբ փողոցում շատ մարդ կա, բանկերն ու խանութները բաց են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)