Նրա խոսքով՝ այլընտանքային ճանապարհային ցանցի առկայության պարագայում, հնարավոր է ապագայում «Հյուսիս-Հարավ» ճանապարգային միջանցքի որոշ հատվածներ լինեն վճարովի։

««Հյուսիս-հարավ» և մյուս ճանապարհներ։ Այս մյուս ճանապարհների ակտիվ ցանցը հնարավորություն է տալիս, որ եթե մեր ժողովուրդը շատ դեմ չլինի և պարզվի, որ այդպիսի հնարավորություն կա, մենք Հայաստանում նաև վճարովի ճանապարհների մեխանիզմ ներդնենք։ Եթե միայն «Հյուսիս-Հարավ»-ը լիներ, այդպիսի սցենար չէինք քննարկի, կարևոր պայմանը այլընտանքային ճանապարհ ունենալն է։ Հիմա Սյունիքում ստեղծում ենք մեծ այլընտանքային ցանց և այդ հարցը քննարկում ենք»,- ասել է վարչապետը։

Ըստ նրա՝ «Հյուսիս-Հարավ»-ի գործարկումը կմեծացնի միջազգային բեռնափոխադրումների ծավալը և տեղական հոսքերն այնտեղից հեռացնելու անհրաժեշտություն կառաջանա։ Փաշինյանի նշել է՝ վճարովի ճանապարհների առկայությունը մշտական եկամուտ կբերի, որն էլ կուղղվի համապատասխան ճանապարհների ստանդարտների պահպանմանը։