21:42 - 15 նոյեմբերի, 2024
Մի քանի տասնյակ քաղաքացիներ «Կիլիկիա» ավտոկայանի մոտ ճանապարհը փակել էին` ի նշան բողոքի |arm.sputniknews.ru|
Մի քանի տասնյակ քաղաքացիներ «Կիլիկիա» ավտոկայանի մոտ ճանապարհը փակել էին` ի նշան բողոքի։ Տեղեկությունը Sputnik Արմենիային հայտնեց ՆԳՆ մամուլի խոսնակ Նարեկ Սարգսյանը։
Նշենք, որ ավելի վաղ մամուլում լուրեր էին տարածվել, որ ժամեր շարունակ «Կիլիկիա» ավտոկայանից մեծ թվով քաղաքացիներ չեն կարողանում ուղևորվել մարզեր։ Նշվում էր, որ ոլորտը կարգավորող տեսչական մարմնի կողմից «գծերի» ստուգում է եղել, հայտնաբերվել են խախտումներ։
«Մոտ 30 քաղաքացի ավտոկայանի մոտ ճանապարհ էին փակել, որոշ ժամանակ անց ոստիկանները ճանապարհը բացել են: Այժմ երթևեկությունը վերականգնված է»,-ասաց նա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)