ՀՀ նախագահ Վահագն Խաչատուրյանը X-ի իր էջում ցավակցություն է հայտնել ԱՄՆ 39-րդ նախագահ Ջիմի Քարթերի մահվան կապակցությամբ։
«Խորը ցավով եմ լսել նախագահ Քարթերի մահվան մասին և իմ անկեղծ ցավակցություններն եմ հայտնում նախկին նախագահի ընտանիքին և ԱՄՆ ժողովրդին:
Նախագահ Քարթերը, որը Խաղաղության Նոբելյան մրցանակակիր է, կմնա մարդասիրական և դիվանագիտական ջանքերի խորհրդանիշ։ Քաղաքական գործիչ, որը էապես նպաստել է միջազգային խաղաղությանն ու անվտանգությանը, ինչպես նաև ժողովրդավարությանը և մարդու իրավունքներին, տնտեսական և սոցիալական զարգացմանը», – գրել է նախագահը։
Հիշեցնենք, որ այսօր 100 տարեկանում մահացել է ԱՄՆ նախկին նախագահ Ջիմի Քարթերը։
