Տավուշի մարզի Աղավնավանք և Գեղարքունիքի մարզի Ձորավանք համայնքների մոտակա սարերում բռնկված հրդեհը մարվել է այսօր՝ ժամը՝ 13։24-ին։ Այս մասին հայտնում է Ներքին գործերի նախարարությունը։
«Այրվել են խոտածածկույթ, մացառուտ, թափուկներ և չորացած ծառեր։ 47 փրկարարական ծառայողներ իրականացնում են հետհանգեցման աշխատանքներ»,- ասվում է նախարարության տարածած հաղորդագրության մեջ։
Հիշեցնենք, որ հունվարի 5-ին, ժամը 08։00-ի սահմաններում ՆԳՆ Փրկարար ծառայությունում տեղեկություն էր ստացվել, որ Տավուշի մարզի Աղավնավանք և Գեղարքունիքի մարզի Ձորավանք համայնքների մոտակա սարերում հրդեհ է բռնկվել։
Հրդեհի շիջման աշխատանքներին ներգրավվել էր նաև ՊՆ ուղղաթիռ, հրդեհը մեկուսացվել էր երեկ:
Գլխավոր լուսանկարը՝ դեպքի վայրից (նկարը՝ ՆԳՆ-ի)
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)