Տեղի է ունեցել վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ: Այս մասին հայտնում են ՀՀ կառավարությունից։
Հաղորդագրության համաձայն՝ զրուցակիցները քննարկել են Եվրասիական տնտեսական միությունում Հայաստանի Հանրապետության նախագահության արդյունքները, առաջիկա անելիքները ԵԱՏՄ շրջանակներում, ինչպես նաև Հայաստան-Ռուսաստան երկկողմ օրակարգի մի շարք հարցեր:
Հիշեցնենք, որ դեկտեմբերի 26-ին Հայաստանի Հանրապետության վարչապետ Նիկոլ Փաշինյանի նախագահությամբ տեղի էր ունեցել Եվրասիական տնտեսական բարձրագույն խորհրդի նիստը։
Հայաստանի վարչապետը նիստը նախագահել էր հեռավար։ Նա ելույթով ամփոփել էր Հայաստանի նախագահության շրջանը ԵԱՏՄ կառույցներում և ԵԱՏՄ նախագահությունը փոխանցել Բելառուսին։
Նիկոլ Փաշինյանը նաև հայտարարել է, որ հայկական պատվիրակությունը հաջորդ տարվա մայիսին Մինսկում կայանալիք Եվրասիական բարձրագույն տնտեսական խորհրդի նիստին կմասնակցի տեսակապի միջոցով։
