azatutyun.am Ուկրաինայի Կրիվոյ Ռոգ քաղաքի առևտրի կենտրոնին Ռուսաստանի կողմից իրականացված հարվածի հետևանքով զոհերի թիվը հասել է 16․ 100-ից ավելի վիրավորներ կան, այդ թվում՝ երեխաներ, հաղորդում են տեղական իշխանությունները:
Կրիվոյ Ռոգը Ուկրաինայի նախագահի հայրենի քաղաքն է:
Վլադիմիր Զելենսկին հարձակումը որակել է «ցինիկ և նողկալի»: Նա հայտնել է, որ հարձակման երկու ալիք է եղել, երկրորդը թիրախավորել է տուժածներին շտապ օգնություն ցուցաբերողներին:
Ականատեսների վկայությամբ՝ հարվածի հետևանքով առաստաղը փլուզվել է ավտոկայանատեղի վրա, որտեղ օդային տագնապից հետո ապաստան էին փնտրում մարդիկ:
Նահանգապետ Օլեքսանդր Հանզան հայտնել է, որ վիրավորների թիվը 130 է, այդ թվում՝ 23 երեխա:
Շարունակությունը՝ սկզբնաղբյուր կայքում
