10:21 - 21 մարտի, 2025
Հրդեհ Լոնդոնի ենթակայանում. 16000 տուն հոսանքազրկված է, օդանավակայանը փակ է |news.am|
news.am: Լոնդոնի արևմուտքում գտնվող էլեկտրական ենթակայաններից մեկում բռնկված հրդեհի պատճառով ավելի քան 16 հազար տուն մնացել է առանց էլեկտրականության, իսկ ավելի քան 100 մարդ ստիպված է եղել տարհանվել: Հրդեհի պատճառով աշխարհի ամենաբանուկ օդանավակայաններից մեկը՝ Հիթրոուն, փակ է մինչև օրվա վերջ, հայտնում է The Guardian-ը։
Լոնդոնի հրշեջ բրիգադը հայտնել է, որ ենթակայանում բռնկվել է տրանսֆորմատոր, և դեպքի վայրում են գտնվում 10 հրշեջ մեքենաներ և մոտ 70 հրշեջներ:
Մոտ 150 մարդ տարհանվել է մոտակա տներից, իսկ անվտանգության համար 200 մետրանոց պարիսպ է կառուցվել:
Հրշեջ-փրկարարները մոտակա տներից տարհանել են 29 մարդու։
Հինգշաբթի ժամը 23.23-ին դեպքի վայր են կանչվել շտապօգնության ծառայությունները։ Հրդեհի պատճառը դեռ պարզված չէ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)