Մարտի 27-ին՝ Թատրոնի միջազգային օրը, Կապանի մշակույթի կենտրոնում կայացավ «Արտավազդ» ամենամյա թատերական մրցանակաբաշխության 24-րդ հանդիսավոր արարողությունը։ Միջոցառումը կազմակերպվել էր Հայաստանի թատերական գործիչների միության և Սյունիքի մարզպետարանի կողմից՝ Զանգեզուրի պղնձամոլիբդենային կոմբինատի աջակցությամբ։ Մրցանակաբաշխությունը նվիրված էր Կապանի Ալ. Շիրվանզադեի անվան պետական դրամատիկական թատրոնի 90-ամյակին։

Այս տարվա Մեծ «Արտավազդ» մրցանակը շնորհվել է Տիգրան Աթայանին՝ Կապանի թատրոնին ստեղծագործական նոր շունչ հաղորդելու և կամերային ներկայացումների փառատոնի հիմնադրման համար։ Հատուկ «Արտավազդ» մրցանակներ են շնորհվել «Արմմոնո» փառատոնին, Թբիլիսիի Պ. Ադամյանի անվան հայկական դրամատիկական թատրոնին, Գյումրու Վ. Աճեմյանի անվան թատրոնին, Կամերային թատրոնին և այլ կառույցների ներկայացուցիչների։

Թատերարվեստին արժանապատիվ ծառայության համար մրցանակներ են ստացել Արտավազդ Գրիգորյանը և Նատալյա Բաղդասարյանը։

Տարվա լավագույն դերակատարի անվանակարգերում հաղթող են ճանաչվել Վարշամ Գևորգյանը («…իսկ դրսում ձյուն է գալիս», Համազգային թատրոն) և Լիլիա Մուկուչյանը («Սպանդի աստվածը», Ռուս. դրամ. թատրոն)։ Երկրորդ պլանի լավագույն դերակատարներ են ճանաչվել Նարեկ Հայկազյանը և Թեհմինե Խաչատրյանը։

Լավագույն ռեժիսոր է ճանաչվել Սուրեն Շահվերդյանը («Փող։ Կիրք։ Իշխանություն», Կ. Ստանիսլավսկու անվան Ռուս. դրամ. թատրոն), իսկ տարվա լավագույն ներկայացման մրցանակը շնորհվել է Համազգային թատրոնի «Լակոտը» բեմադրությանը։

Մրցանակակիրների ամբողջ ցանկը՝ ստորև

ՄԵԾ «ԱՐՏԱՎԱԶԴ»

Տիգրան Աթայան – Կապանի Ա. Շիրվանզադեի անվան թատրոնին՝ ստեղծագործական նոր շունչ հաղորդելու և Կապանի կամերային ներկայացումների փառատոնը հիմնադրելու համար։

ՀԱՏՈՒԿ «ԱՐՏԱՎԱԶԴ»

• «Արմմոնո» միջազգային փառատոն
  Արմեն Քուշկյան – «Սասունցի Դավիթ» մոնոներկայացում
• Թբիլիսիի Պ. Ադամյանի անվ. հայկական դրամատիկական թատրոն
  «Խանում»
  Բեմադրիչ՝ Արմեն Բայանդուրյան
• Գյումրու Վ. Աճեմյանի անվան թատրոն
  Արինա Արարատյան – «Խավարի առաքյալները»
• Կամերային թատրոն
  Ներսես Մարկոսյան – «Ազնավուր. ճանապարհորդություն ժամանակի և երաժշտության միջով»

Թատերարվեստին արժանապատիվ ծառայության համար

• Արտավազդ Գրիգորյան – Կապանի Ա. Շիրվանզադեի անվան թատրոնի դերասան
• Նատալյա Բաղդասարյան – Կապանի Ա. Շիրվանզադեի անվան թատրոնի դերասանուհի

Լավագույն տղամարդ դերակատար

• Վարշամ Գևորգյան – «…իսկ դրսում ձյուն է գալիս» (Չիկո)
  Ս. Սարգսյանի անվ. Համազգային թատրոն

Լավագույն կին դերակատար

• Լիլիա Մուկուչյան – «Սպանդի աստվածը» (Վերոնիկա Վալլոն)
  Կ. Ստանիսլավսկու անվան Ռուսական դրամատիկական թատրոն

Երկրորդ պլանի լավագույն տղամարդ դերակատար

• Նարեկ Հայկազյան – «Ռնգեղջյուր» (Ժան)
  Գ. Սունդուկյանի անվան ազգային ակադեմիական թատրոն

Երկրորդ պլանի լավագույն կին դերակատար

• Թեհմինե Խաչատրյան – «Փող։ Կիրք։ Իշխանություն» (Ելիզավետա Ալեքսանդրովնա)
  Կ. Ստանիսլավսկու անվան Ռուսական դրամատիկական թատրոն

Լավագույն սցենոգրաֆիա

• Աշոտ Թադևոսյան – «Փող։ Կիրք։ Իշխանություն»
  Կ. Ստանիսլավսկու անվան Ռուսական դրամատիկական թատրոն

Լավագույն զգեստների նկարիչ

• Քնքուշ Մալխասյան – «Ուրվականների սոնատը», «Սանտա Սիթի»
  Մնջախաղի թատրոն, Շունչ թատրոն

Լավագույն լուսային նկարիչ

• Արա Գասպարյան – «Սովորական հրաշք», «Սասունցի Դավիթ»
  Մհեր Մկրտչյանի արտիստական թատրոն, «Արմմոնո» միջազգային փառատոն

Լավագույն երաժշտության հեղինակ

• Արմեն Շահինյան – «Բարկանու՞մ ես», «Մարդը ափի մեջ»
  Ս. Սարգսյանի անվ. Համազգային թատրոն

Լավագույն թատերախոսական

• Անի Հարությունյան – «Պարույր Սևակի «Մարդը ափի մեջ» պոետիկ տեքստի վերամարմնավորումը»

Լավագույն երիտասարդ դերասան

• Արման Մաթևոսյան – «Էլջերնոն-Գորդոնի էֆեկտը» (Չարլի), մոնոներկայացում
  «Արմմոնո» միջազգային փառատոն

Լավագույն երիտասարդ դերասանուհի

• Միլենա Ղազարյան – «Լակոտը» (Թագուհի)
  Ս. Սարգսյանի անվ. Համազգային թատրոն

Լավագույն երիտասարդ բեմադրիչ

• Ռուզան Խաչատրյան – «Արևի մարդիկ»
  Հ. Պարոնյանի անվան երաժշտական կոմեդիայի թատրոն

Լավագույն մանկական ներկայացում

• «Բարկանու՞մ ես»
  Բեմադրիչ՝ Նարինե Գրիգորյան
  Ս. Սարգսյանի անվ. Համազգային թատրոն

Լավագույն երիտասարդական ներկայացում

• «Մարդը ափի մեջ»
  Բեմադրիչ՝ Նարինե Գրիգորյան
  Ս. Սարգսյանի անվ. Համազգային թատրոն

Լավագույն պլաստիկական ներկայացում

• «Ուրվականների սոնատը»
  Բեմադրիչ՝ Ինա Հախնազարյան
  Մնջախաղի թատրոն

Լավագույն կամերային ներկայացում

• «Է»
  Բեմադրիչ՝ Զառա Անտոնյան
  Բաբելոն թատրոն

Լավագույն ռեժիսուրա

• Սուրեն Շահվերդյան – «Փող։ Կիրք։ Իշխանություն»
  Կ. Ստանիսլավսկու անվան Ռուսական դրամատիկական թատրոն

Լավագույն ներկայացում

• «Լակոտը»
  Բեմադրիչներ՝ Անդրանիկ Միքայելյան, Նարինե Գրիգորյան
  Ս. Սարգսյանի անվ. Համազգային թատրոն