09:23 - 16 մարտի, 2019
Մեկ շաբաթում շփման գծում հրադադարը խախտվել է 250 անգամ, մարտի 13-ին՝ նաև ականանետից․ ԱՀ ՊՆ
Մարտի 9-16-ը Արցախի և Ադրբեջանի զորքերի շփման գոտում հակառակորդը հրադադարի պահպանման ռեժիմը խախտել է շուրջ 250 անգամ, տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 3 հազար կրակոց, հաղորդում է Լեռնային Ղարաբաղի պաշտպանության նախարարության մամուլի ծառայությունը:
Բացի վերոնշյալ խախտումներից՝ մարտի 13-ին ժամը 10:35-11:15-ի սահմաններում շփման գծի արևելյան (Ակնա) ուղղությամբ հակառակորդը կիրառել է նաև 60 միլիմետրանոց ականանետեր` արձակելով 9 արկ, ասված է հաղորդագրությունում:
Պաշտպանության բանակի առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն, հաղորդում է Արցախի ռազմական գերատեսչությունը
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)