armtimes.com: «Ադրբեջանցի «Էկոակտիվիստներ»-ը փակել են Լեռնային Ղարաբաղը Հայաստանի հետ կապող միակ ճանապարհը:
Սա բացահայտ սադրանք է և 2020 թվականի եռակողմ հրադադարի հռչակագրի կոպտագույն խախտում»:
Այս մասին «Թվիթեր»-ի իր էջում գրել է ՀՀ հատուկ հանձնարարություններով դեսպան Էդմոն Մարուքյանը՝ հույս հայտնելով, որ այդ գործողությունները հումանիտար ճգնաժամի չեն հանգեցնի, և ողջախոհությունը կհաղթի։
«Լաչինի միջանցքը պետք է գործի ինչպես միշտ»,-գրել է Մարուքյանը:
Ինչպես արդեն հայտնել էինք, մի խումբ ադրբեջանցիներ այսօր դարձյալ փակել են Լաչինի միջանցքը։ Արցախի տեղեկատվական շտաբը հաղորդագրություն է տարածել՝ նշելով, որ Արցախի լիազոր պետական մարմինները ձեռնարկում են բոլոր հնարավոր միջոցները իրավիճակի կարգավորման ուղղությամբ։
comment.count (0)