tert.am: Ուկրաինան պահանջել է շտապ ՄԱԿ-ի Անվտանգության խորհրդի նիստ գումարել՝ կապված Բելառուսում ռուսական մարտավարական միջուկային զենքի տեղակայման մասին ՌԴ նախագահ Վլադիմիր Պուտինի հայտարարության հետ։ Այս մասին ասվում է Ուկրաինայի արտաքին գործերի նախարարության հայտարարության մեջ։
Ինչպես գրում է korrespondent.net-ը, Ուկրաինայի արտաքին գործերի նախարարությունը պաշտոնապես արձագանքել է Բելառուսի տարածքում մարտավարական միջուկային զենք տեղակայելու Ռուսաստանի մտադրությանը։
Ուկրաիյի ԱԳՆ-ն կոչ է արել բելառուսական հանրությանը «կանխելու Բելառուսի տարածքում միջուկային զենք տեղակայելու հանցավոր մտադրությունների իրականացումը, որը հակասում է Միջուկային զենքի չտարածման պայմանագրով ստանձնած պարտավորություններին և աղետալի հետևանքներ կունենա Բելառուսի ապագայի համար, ինչպես նաև երկիրն ավելի շատ կվերածի Կրեմլի պատանդի»։
Հիշեցնենք, որ երեկ՝ մարտի 25-ին, ՌԴ նախագահ Վլադիմիր Պուտինը հայտարարել է, որ Մոսկվան համաձայնության է եկել Մինսկի հետ Բելառուսի տարածքում մարտավարական միջուկային զենքի տեղակայման շուրջ։
Նա նշել է, որ Մոսկվան արդեն օգնել է Մինսկին ինքնաթիռների վերազինման հարցում, նրանց է փոխանցվել նաև «Իսկանդեր» հրթիռային համակարգը։
Պուտինն ընդգծել է, որ տակտիկական միջուկային զենքը կտեղակայվի այնտեղ՝ չխախտելով Ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագրով ստանձնած պարտավորությունները:
Շարունակությունը՝ tert.am-ում
comment.count (0)