arm.sputniknews.ru Իրանի մայրաքաղաքից դեպի արևմուտք գտնվող առևտրի կենտրոնում բռնկված հրդեհի հետևանքով առնվազն 11 մարդ է զոհվել։ Այս մասին հայտնում է Mehr գործակալությունը՝ հղում անելով տեղական իշխանություններին:
Նշվում է, որ հրդեհը տեղի է ունեցել երեկ երեկոյան «Արղավան» առևտրի կենտրոնում:
«Ցավոք, այս պահի դրությամբ հաստատվել է 11 մարդու մահը»,-ասված է հաղորդագրության մեջ:
Նախնական տվյալներով՝ վնասվածքներ են ստացել 26 մարդ: Նրանցից մի քանիսը հոսպիտալացվել են, իսկ մնացածին բժշկական օգնություն է ցուցաբերվել տեղում:
