Արարատի և հարակից համայնքների բնակիչներն արդեն նաև համակարգչային շերտագրման (KT) հետազոտության համար ստիպված չեն այլ կլինիկաներ գնալ: Այս մասին հայտնում են ՀՀ առողջապահության նախարարությունից։
«Առողջապահության նախարարության կողմից վերազինման շրջանակում Արարատի բժշկական կենտրոնին տրամադրվել է համակարգչային շերտագրման սարք, մասնագետներն անցել են վերապատրաստում և հիմա արդեն օրական մինչև 15 հետազոտություն է արվում, մեծ մասը` առողջության ապահովագրությամբ»,- նշված է հաղորդագրությունում։
