Դատախազությունը «Ուժեղ Հայաստան» կուսակցության խորհրդի անդամ Նարեկ Կարապետյանի վերաբերյալ նոր միջնորդություն է ներկայացրել ԿԸՀ։ Այսօր այս մասին լրագրողների հետ զրույցում ասաց փաստաբան, «Ուժեղ Հայաստան» կուսակցությունից ԱԺ պատգամավորի թեկնածու Արամ Վարդևանյանը։
«Հիմա պատկերացրեք 15։00-ին Նարեկ Կարապետյանը ձեռք է բերելու պատգամավորի կարգավիճակ, այսինքն՝ անձեռնմխելիության ամենաբարձր աստիճանը, բայց ԿԸՀ-ն իր վերաբերյալ միջնորդությունը պետք է քննարկման առարկա դարձնի»։
Վարդևանյանի խոսքով՝ սա հերթական «հետապնդման, միջամտության, խոչընդոտման» դրվագն է․ «Սա մեղմ ասած իրավունքի հանդեպ ծաղր է», – նշեց նա։
Վարևանյանը նշեց՝ տեղեկություն չունի, թե Նարեկ Կարապետյանի վերաբերյալ ինչ քրեական վարույթ կա։
