azatutyun.am 9-րդ գումարման Ազգային ժողովի առաջին նստաշրջանի աշխատանքներն այսօր ավարտվեցին և կշարունակվեն երկուշաբթի օրը:
Խորհրդարանի խոսնակի պաշտոնում Ռուբեն Ռուբինյանի առաջադրումից, թեկնածուի ելույթից և նրան հարցեր առաջադրելուց հետո ելույթներ են ունենում իշխանական և ընդդիմադիր խմբակցությունների պատգամավորները:
Նոր Ազգային ժողովի առաջին նստաշրջանի օրակարգից առայժմ միայն հաշվիչ հանձնախումբն է ստեղծվել, մյուս հարցերն են՝ ԱԺ նախագահի ընտրություն, ԱԺ նախագահի երեք տեղակալների ընտրություններ, մշտական հանձնաժողովների ստեղծում, Էթիկայի հանձնաժողովի ստեղծում, մշտական հանձնաժողովների նախագահների ընտրություններ, Կառավարության առաջարկությամբ` Կառավարության կառուցվածքի փոփոխության վերաբերյալ օրենքի նախագծի քննարկում, Կառավարության ծրագրին հավանություն տալու հարցը:
