Օգոստոսի 30-ին՝ ժամը 22.40-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Ադանայի փողոցում վիճաբանություն է։ Այս մասին հայտնում են ՀՀ ոստիկանությունից։
Նշված վայր մեկնած ՆԳՆ ոստիկանության օպերատիվ խմբերը կանխել են հետագա զարգացումները և վիճաբանության մասնակիցներին խուլիգանություն կատարելու կասկածանքով ձերբակալել:
Ըստ նախնական տվյալների՝ վիճաբանություն է եղել հարևանների միջև, ինչի ընթացքում գործի է դրվել գազային ատրճանակ:
Տուժածներ կամ մարմնական վնասվածք ստացած անձինք չկան:
Դեպքի բոլոր հանգամանքները պարզվում են։
