azatutyun.am ԵՄ արտաքին քաղաքականության ղեկավար Կայա Կալլասը հայտարարել է, որ Հորմուզի նեղուցի շուրջ դիվանագիտական ջանքերը շարունակվում են, սակայն մինչ այժմ չի հաջողվել առաջընթաց գրանցել։
«Նավագնացության ազատությունը պետք է հարգվի։ Դիվանագիտական ջանքերը դեռ շարունակվում են, բայց այս պահին արդյունք չկա», – ասել է Կալլասը ԵՄ պաշտպանության նախարարների ոչ պաշտոնական հանդիպումից առաջ, որը տեղի կունենա Իռլանդիայի Ուիքլոու քաղաքում։
«Մեզ համար կարևոր է, որ այս երթուղիների համար, որոնք նախկինում բաց են եղել, չկան վճարներ, չկան ուղեվարձեր», – հավելել է նա։
Կալլասը նշել է, որ նախարարները կքննարկեն նաև կարևորագույն ստորջրյա ենթակառուցվածքների պաշտպանությունը, ինչպես նաև Լիբանանի զինված ուժերին աջակցելու համար հնարավոր եվրոպական առաքելությունը։
