tert.am Մեր նահատակները ընկան, որ Հայաստանը բարձրանա, և այսօր Հայաստանի Հանրապետությունը ապրող պետություն է, կյանքի պետություն է, և մեր պետության վերելքն է հարգանքի մեծագույն տուրքը մեր նահատակների հիշատակին, Հանրապետության հրապարակում Անկախության օրվան նվիրված միջոցառման ժամանակ ասել է Նիկոլ Փաշինյանը։
«Անկախության այս դարակազմիկ տոնի առիթով պետք է արձանագրենք, որ անկախությունը, այսինքն պետությունը ամենակարևոր բանն է, որ մենք միասին ունենք, որովհետև մեր պետությունն է, որ կարող է երաշխավորել մեր ինքնության, մեր մշակույթի պահպանումն ու զարգացումը, կարող է երաշխավորել մեր պատմության շարունակականությունը, մեր պետությունն է, որ մեզ մեր ճակատագրի տերն է դարձնում, ու մենք պետք է շարունակենք գնալ մեր պետությանը տեր կանգնելու ճանապարհով»,-նշել է նա։
