news.am Իրանի արտգործնախարար Աբբաս Արաղչին Իրանի նախագահ Մասուդ Փեզեշքիանին է ներկայացրել երկու երկրների միջև բանակցությունների վերաբերյալ ԱՄՆ-ի նոր առաջարկները, չորեքշաբթի օրը հայտնել է IRNA գործակալությունը։
«Արաղչին նախագահ Փեզեշքիանին է փոխանցել ամերիկյան կողմի առաջարկը», – գործակալությունը մեջբերում է Իրանի կառավարության ներկայացուցչի խոսքերը։
IRNA-ն այլ մանրամասներ չի հաղորդում։
Մինչ այդ Արաղչին Նյու Յորքում մասնակցում էր ՄԱԿ-ի Գլխավոր ասամբլեայի բարձր մակարդակի շաբաթվան։
Ավելի վաղ ԱՄՆ նախագահ Դոնալդ Թրամփը լրագրողներին հաստատել էր, որ ամերիկյան կողմն անցյալ երկուշաբթի միջնորդների միջոցով բանակցություններ է վարել իրանցիների հետ։ Արաղչին նույնպես հայտնել էր, որ իրանցի բանագնացները կապի մեջ են եղել կատարցի միջնորդների հետ և հույս ունեն շուտով ստանալ ներկայացված առաջարկների վերաբերյալ Վաշինգտոնի պատասխանը։
