azatutyun.am Իրանը հայտարարել է, որ հարվածներ է հասցրել Բահրեյնում ու Քուվեյթում գտնվող ամերիկյան ռազմաբազաներին, հայտնում է Reuters-ը:
Իրանի բանակը, մասնավորապես, հայտարարել է, որ թիրախավորել է Քուվեյթի Ալի ալ Սալեմ բազայում գտնվող ամերիկյան անօդաչու թռչող սարքերի և հրթիռների կայանքները:
Քուվեյթը հայտարարել է, որ իր հակաօդային պաշտպանությունը հակազդում է «թշնամական անօդաչու թռչող սարքերի հարձակումներին»։ Սա նավթով հարուստ երկրի վրա Իրանի առաջին հարձակումն էր սեպտեմբերից ի վեր։
Բահրեյնն իր հերթին հայտարարել է, որ այս շաբաթ արդեն երրորդ անգամ է կասեցրել Իրանի օդային հարձակումները։ Պաշտոնական Մանաման մեղադրել է Թեհրանին «համակարգված թշնամական մոտեցում» դրսևորելու մեջ՝ թիրախավորելով երկիրը, որտեղ տեղակայված է ԱՄՆ ռազմածովային ուժերի հինգերորդ նավատորմը։
Եմենում Իրանին դաշնակից հութիների դեմ պայքարող Սաուդյան Արաբիայի գլխավորած կոալիցիան իր հերթին հայտարարել է, որ որսացել է աշխարհազորայինների կողմից Սաուդյան Արաբիայի մայրաքաղաք Ռիադի ուղղությամբ արձակված թևավոր հրթիռը։
Երեկ ամերիկյան կործանիչները կրակ էին բացել իրանական Քեշմ կղզում գտնվող Իսլամական հեղափոխության պահապանների կորպուսի հրթիռների արձակման կայանի վրա, հայտնում է գործակալությունը: Ամերիկյան կողմը նշել է, որ հարվածը պատասխան էր Իրանի կողմից ամերիկյան անձնակազմի և ակտիվների վրա հարձակումներին։
Իրանական լրատվամիջոցները, հղում անելով իրանցի պաշտոնյայի, հայտնել են, որ ԱՄՆ հարձակումը չի վնասել իրանական ենթակառուցվածքները։
Շարունակությունը՝ սկզբնաղբյուր կայքում