tert.am: «Մենք Ռուսաստանի հետ ենք» շարժման նախագահ Վլադիմիր Ռոգովը հայտարարել է Տվերի մարզում ավիավթարի հետևանքով Եվգենի Պրիգոժինի զոհվելու մասին։ Այս մասին նա գրել է իր տելեգրամյան ալիքում։
Նա պարզաբանել է, որ զրուցել է «Վագներ» մասնավոր ռազմական ընկերության որոշ ներկայացուցիչների հետ, որի հիմնադիրը Եվգենի Պրիգոժինն է։ Նրանք հաստատել են գործարարի, ինչպես նաև «Վագների» հրամանատար Դմիտրի Ուտկինի մահը։
Ռոսավիացիայի տվյալներով՝ Եվգենի Պրիգոժինը եղել է կործանված ինքնաթիռի ուղևորների ցուցակում։ Ինքնաթիռում եղել է տասը մարդ, այդ թվում՝ անձնակազմի երեք անդամները։
Նախարարության մամուլի ծառայության նախնական տեղեկություններով՝ նրանցից ոչ ոք ողջ չի մնացել։
Տվերի մարզի Բոլոգովսկի շրջանում, որի մասին հայտնի է դարձել օգոստոսի 23-ի երեկոյան, տեղի է ունեցել Կուժենկինո բնակավայրի մոտակայքում։ Ինքնաթիռը Մոսկվայից թռչում էր Սանկտ Պետերբուրգ։
