azatutyun.am: Թեհրանում Ադրբեջանի դեսպանությունն աշխատանքը կվերսկսի առաջիկա շաբաթներին: APA գործակալության փոխանցմամբ` այդ մասին այսօր հայտարարել է Իրանի ԱԳՆ Եվրասիայի վարչության պետ, նախարարի օգնական Մուջթեբա Դեմիրչիլուն։
Իրանցի դիվանագետի խոսքով՝ «ադրբեջանական դեսպանատունն աշխատանքը կվերսկսի 15-ից 20 օրվա ընթացքում»։
Իրանում Ադրբեջանի դեսպանությունը դադարեցրել էր աշխատանքը 2023 թվականի ձմռանը տեղի ունեցած հարձակումից հետո, բոլոր աշխատակիցները և նրանց ընտանիքները տարհանվել էին։
