20:20- Բելառուսում COVID-19-ի հետևանքով մահացել է 135 մարդ։ Ընահանուր առմամբ, երկրում հաստատված է կորոնավիրուսի 23 906 դեպք (մայիսի 10-ին՝ 22 973): Մեկ օրում աճը կազմել է 933: Ապաքինվել է 6531 մարդ: |aysor.am|
20:15- ՌԴ-ում վաղվանից ոչ աշխատանքային օրերի ժամանակահատվածը ողջ երկրում և բոլոր ոլորտներում ավարտվում է, սակայն «Քովիդ-19»-ի վտանգը՝ պահպանվում: Բարձր պատրաստականության ռեժիմը կպահպանվի 65-ից բարձր տարիքի և խրոնիկ հիվանդություններ ունեցող անձանց համար. զանգվածային միջոցառումների արգելքը պահպանվում է: [Վլադիմիր Պուտին] |tert.am|
20:00- Կորոնավիրուսի համավարակի պայմաններում Հոնգ Կոնգում դադարեցված հակակառավարական բողոքի ցույցերը վերսկսել են։ Երեկ առնվազն 8 տարբեր առևտրի կենտրոններում մի քանի հարյուր մարդ կազմակերպել էր բողոքի ակցիաներ՝ պահանջելով անկախություն ու Պեկինի կողմից աջակցություն ստացող քաղաքային իշխանությունների հրաժարականը։ [Aljazeera]
19:30- Իսպանիայում վերջին մեկ օրում կորոնավիրուսի հետևանքով մահացել է 123 մարդ, որը նվազագույն ցուցանիշն է վերջին երկու ամսվա ընթացքում: Մահացածների ընդհանուր թիվը հասել է 26 744-ի: Վարակվածների թիվը հասել է 227 436-ի, վերջին մեկ օրում վարակակման 373 նոր դեպք է արձանագրվել: Ընդհանուր առմամբ՝ առողջացել է 137 139 մարդ, որոնցից 973-ը՝ վերջին մեկ օրում: [El País] |tert.am|
19:20- Կոսովոյի վարչապետը տանը ինքնամեկուսացվել է՝ սպասելով կորոնավիրուսի թեսթի արդյունքներին։ Նա այդ որոշումն ընդունել է նախարարության այն պաշտոնատար անձի հետ հանդիպումից հետո, որը շփվել է կորոնավիրուսով վարակվածի հետ։ |news.am|
18:50- Որոշել ենք բոլոր դպրոցները բացել մայիսի 16-ից՝ պահպանելով բժշկական պահանջները, բայց աշակերտների ներկայությունը այնտեղ պարտադիր չի լինի։ [Կառավարության պաշտոնական ներկայացուցիչ Ալի Ռաբի] |aysor.am|
18:45- Այսօրվանից Բուլղարիայի բնակիչները հնարավորություն կունենան այցելել կինոթատրոններ, թանգարաններ և գրադարաններ, որոնք փակվել էին երկու ամիս առաջ: |aysor.am|
18:40- Ռիսկերի գնահատման վերջին արդյունքների համաձայն՝ Եվրամիության անդամ երկրները պետք է պատրաստվեն նոր կորոնավիրուսի տարածման երկրոդ ալիքի հնարավոր սկսվելուն: [Եվրահանձնաժողովի ներկայացուցիչ] [ՏԱՍՍ] |news.am|
18:17- Եթե հետևենք տվյալներին, դեպքերի թիվը մեկ շաբաթից ավելի միանիշ է, և եթե այսպես շարունակվի, կարող ենք ասել, որ վարակի պիկը հաղթահարված է։ [Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբայա] |factor.am|
18:11- ՌԴ-ում Մայիսի 9-ի ավանադական շքերթի փորձի ժամանակ առնվազն 376 մարդ կորոնավիրուսով է վարակվել։ Նրանց թվում են ռազմածովային ուսումնարանների և Մոսկվայի Ռազմական համալսարանի ուսանողները։ Փաստացի, վարակվածների թիվը պետք է ավելի լինի, քանի որ հաջողվել է հարցում իրականացնել միայն 6 հաստատության ուսանողների շրջանում, իսկ փորձին մասնակցել է այդպիսի 40 հաստատություն։ [Deustche Welle-ն՝ լրագրողական հետազոտությունների «Պրոեկտ» պորտալին հղումով] |panarmenian.net|
17:51- Թուրքիայի նախագահ Էրդողանն ու ԳԴՀ կանցլեր Անգելա Մերկելը հեռախոսազրույց են ունեցել, որի ընթացքում քննարկել են կորոնավիրուսի դեմ պայքարում ձեռնարկվող քայլերն ու հետհամավարակային շրջանում համագործակցության հարցերը: |tert.am|
17:34- Աշխարհում կորոնավիրուսային վարակով վարակվածների թիվն անցել է 4 միլիոն 210 հազարը: Մահացածների թիվն անցել է 284 հազարը: Ապաքինվել է 1 միլիոն 505 հազար 866 մարդ: Վարակվածների թվով առաջին տեղում գտնվող ԱՄՆ-ում 1 միլիոն 368 հազար 021 հաստատված դեպք կա: Այստեղ մահացածների թիվը 80 հազար 789 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 268 հազար 143 է: Մահացության ցուցանիշը կազմում է 26 հազար 744: |armenpress.am|
15։48- Իրանում կորոնավիրուսի մայիսի 11-ի վիճակագրական տվյալները.
- Վարակակիրների թիվն ավելացել է 1.683-ով
Ընդհանուր՝ 109.286 - Մահացածների թիվն ավելացել է 45-ով
Ընդհանուր՝ 6.685 - Ապաքինվածների թիվն ավելացել է 1.279-ով
Ընդհանուր՝ 87.422 [Իրանում ՀՀ դեսպանություն]
14։46- Իրանի կառավարության պաշտոնական ներկայացուցիչ Ալի Ռաբին հայտնել է, որ իշխանությունները պատրաստվում են դպրոցները բացել մայիսի 16-ից: Իրանում փետրվարի 19-ից սկսած, երբ իշխանություններն առաջին անգամ հայտնեցին կորոնավիրուսի առկայության մասին, գրանցվել է ավելի քան 107 հազար վարակվածության դեպք, որից 6 հազար 640-ը՝ մահացու: Առաջին իսկ սահմանափակող միջոցառումներից է եղել դպրոցների և այլ ուսումնական հաստատությունների փակումը: |armenpress.am|
14։41- Բաթումիի «Մեդալֆա» կլինիկայում կորոնավիրուսով վարակված 81-ամյա տղամարդ է մահացել: Այս պահի դրությամբ Վրաստանում կորոնավիրուսից մահացել է 11 մարդ: |aliq.ge|
13։39- Նոր Զելանդիայի կառավարությունը որոշում է ընդունել երկրում կորոնավիրուսի տարածումը կանխող սահմանափակումներն էականորեն մեղմացնելու մասին: Մայիսի 14-ից երկրում կվերսկսեն աշխատել ձեռնարկությունները, առևտրի կենտրոնները, կինոթատրոնները, սրճարաններն ու մարզական սրահները։ Նոր Զելանդիայում կորոնավիրուսի հաստատված դեպքերի թիվը կազմում է շուրջ 1 500, մահացել է 21 մարդ: Վերջին մեկ օրում վարակվածության 3 նոր դեպքեր են գրանցվել: |armenpress.am|
12։39- Ռուսաստանում վերջին մեկ օրում գրանցվել է կորոնավիրուսվ վարակվածության 11 հազար 656 նոր դեպք՝ դառնալով ընդհանուր 221 հազար 344: Վերջին մեկ օրում կորոնավիրուսի հետևանքով մահացել է 94 մարդ: Մահացածների ընդհանուր թիվը հասել է 2 009-ի: Ապաքինվածների ընդհանուր թիվը ավելի քան 39 հազար է: |armenpress.am|
11։52- Կորոնավիրուսի տարածումը կանխելու նպատակով Նիդեռլանդներում մտցված սահմանափակումների նշանակալի մեղմացումն ուժի մեջ է մտնում մայիսի 11-ից: Կվերաբացվեն տարրական դասարանի դպրոցները և մանկապարտեզները, գեղեցկության սրահները, վարսավիրանոցները, գրադարանները: Թույլատրվում է սկսել պարապմունքներն այն մարզաձևերի գծով, որտեղ մարզիկների միջև սերտ շփումներ չկան, օրինակ, գոլֆը, թենիսը: |armenpress.am|
11։32- Նախկինում կորոնավիրուսի համավարակի պատճառով հետձագված Կաննի կինոփառատոնն այս տարի չի կայանա։ Այս մասին հայտարարել են միջոցռման կազմակերպիչները։ Կինոփառատոնը վերջին անգամ չեղարկվել է 1939թ․, երբ սկսվել էր 2-րդ համաշխարհային պատերազմը։ |variety.com|
11։11-Վրաստանում այսօրվանից բոլոր տեսակի տրանսպորտային միջոցների համար ամբողջությամբ բացվում է մայրաքաղաք Թբիլիսին: Վրաստանի ամբողջ տարածքում թույլատրվում են բոլոր տեսակի արտադրությունները, այդ թվում՝ հրատարակչական գործունեությունը: Այսօրվանից աշխատանքը կվերսկսեն բոլոր տեսակի մանրածախ և մեծածախ խանութները, որոնք ունեն մուտք փողոցի կողմից: Վրաստանում դեռևս փակ են մնում հագուստի և կոշիկի խանութները և մեծ առևտրի կենտրոնները: |aliq.ge|
10:30- Աշխարհում կորոնավիրուսային վարակով վարակվածների թիվն անցել է 4 միլիոն 181 հազարը: Մահացածների թիվն անցել է 283 հազարը: Ապաքինվել է 1 միլիոն 493 հազար 473 մարդ: Վարակվածների թվով առաջին տեղում գտնվող ԱՄՆ-ում 1 միլիոն 367 հազար 638 հաստատված դեպք կա: Այստեղ մահացածների թիվը 80 հազար 787 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 264 հազար 663 է: Մահացության ցուցանիշը կազմում է 26 հազար 621: |armenpress.am|
10։15- Վրաստանում կորոնավիրուսի հաստատված դեպքերն՝ ըստ վերջին տվյալների․
Հաստատված դեպքեր- 638 (+3)
Առողջացածներ- 317
Մահեր- 10 |stopgov.ge|
10։02- Թուրքիայում մայիսի 10-ին կորոնավիրուսից մահացել է 47 մարդ։ 1 օրվա ընթացքում հաստատվել է կորոնավիրուսով վարակվելու 1․542 նոր դեպք։ Նույն ժամանակահատվածում ապաքինվել է 3․211 մարդ։ Թուրքիայում մինչ օրս համավարակից ապաքինվել է ընդհանուր առմամբ 92․691 հիվանդ, արձանագրվել է վարակման 138.657 հաստատված դեպք և մահվան 3․776 դեպք։ |ermenihaber.am|
09:21- Երեկ՝ իր հեռուստաելույթի ժամանակ, Մեծ Բրիտանիայի վարչապետ Բորիս Ջոնսոնը հայտարարել է, որ երկիրը աստիճանաբար կսկսի դուրս գալ խիստ սահմանափակումների ռեժիմից, թուլացումները կլինեն դանդաղ և համապատասխան մանրէաբանական իրավիճակին։ Եթե գրանցվի վարակի նոր ալիք, երկիրը նորից կվերադառնա սահմանափակումների նախկին ռեժիմին։ Վարչապետը նշել է, որ հետագա քայլերի մանրամասն ճանապարհային քարտեզը կներկայացնի այսօր խորհրդարանում։ |reuters.com|
Նորություններ կորոնավիրուսի մասին, Աշխարհ, 12․05․20
