22։32- Իսպանիայի ամենատարեց բնակիչուհին` 113-ամյա Մարիա Բրանասը, կարողացել է առողջանալ COVID-19-ից, հայտնել են նրա հարազատները թվիթերյան միկրոբլոգում: Մարիան արդեն քսան տարի է բնակվում է Ժիրոնա նահանգի (Կատալոնիայի ինքնավար համայնք) ծերանոցում: Ապրիլին նրա մոտ կորոնավիրուսի ախտանիշներ էին հայտնվել, որը մեղմ ընթացք ուներ, իսկ մայիսի սկզբին բժիշկները հաստատել էին, որ նա ապաքինվել է: |ria.ru||news.am|


21:35- Իսպանիայում նույնպես մեղմացումներ են, սակայն այստեղ իշխանությունները երկարաձգել են արտակարգ դրության ռեժիմը մինչև մայիսի 20-ը: 

Վարչապետ Պեդրո Սանչեսը կոչ է արել մարդկանց պահպանել սոցիալական հեռավորություն, կրել բժշկական դիմակ: Նա ասել է, որ երկրի առողջապահական համակարգը կարող է չդիմանալ վարակի երկրորդ ալիքին: |shantnews.am|


20:14- ՌԴ նախագահի մամուլի խոսնակ Դմիտրի Պեսկովի կինը՝ գեղասահորդուհի Տատյանա Նավկան, եւս վարակվել է կորոնավիրուսով: Ըստ նրա՝ ամենայն հավանականությամբ, ամուսնուց է վարակվել, վերջինս առաջինն է հիվանդացել և վիրուսը բերել է աշխատավայրից։ [Պեսկովի կինն ասել է Daily Storm-ի հետ զրույցում] |news.am|


20:10- Իրանցի գիտնականներին հաջողվել է նանոտեխնոլոգիաների միջոցով ստեղծել թեստ, որն ի զորում է կես րոպեում հայտնաբերել կորոնավիրուսի վարակը: Թեստը երեսուն վայրկյանում կարող է հայտնաբերել վարակն 95% ճշգրտությամբ: Այն դեռևս լիցենզավորում չի անցել: [Mehr գործակալություն] 


19:10-  Շատ երկրներում համավարակը բացահայտել է առողջապահության ոլորտի թերությունները: Այդ առնչությամբ դիմում եմ երկրների ղեկավարներին ողջ աշխարհում՝ կոչ անելով նրանց ներդրումներ անել առողջապահության ոլորտում՝ որպես համընդհանուր բարօրության գլխավոր գրավական, ամրապնդել բուժհաստատությունները։ [Հռոմի Ֆրանցիսկոս պապ] |tert.am|


18:50- Թուրքիայի սահմաններից դուրս կորոնավիրուսի համավարակի պատճառով այդ երկրի 507 քաղաքացի է մահացել, նրանցից միայն 400-ի դիերն է հաջողվել է տեղափոխել Թուրքիա։ [ԱԳ նախարար Մևլութ Չավուշօղլու] |ermenihaber.am|


18:25- Իսպանիայի ամենատարեց բնակչուհին` 113-ամյա Մարիա Բրանիասը, բուժվել է կորոնավիրուսից: Այս մասին տեղեկացրել են նրա հարազատները, որոնք վարում են նրա անունով թվիթերյան օգտահաշիվը: [ՌԻԱ Նովոստի] |tert.am|


17:53- Աշխարհում կորոնավիրուսային վարակով վարակվածների թիվն անցել է 4 միլիոն 282 հազարը: Մահացածների թիվն անցել է 288 հազարը: Ապաքինվել է 1 միլիոն 541 հազար 322 մարդ: Վարակվածների թվով առաջին տեղում գտնվող ԱՄՆ-ում 1 միլիոն 386 հազար 514 հաստատված դեպք կա: Այստեղ մահացածների թիվը 81 հազար 852 է: |armenpress.am|

17:14- Ռուսաստանի Դաշնության նախագահ Վլադիմիր Պուտինի մամուլի քարտուղար Դմիտրի Պեսկովի մոտ կորոնավիրուս է ախտորոշվել, նա տեղափոխվել է հիվանդանոց։ |ria.ru|

16:26- Մոսկվայում, մայիսի 12-ից սկսած, շնչառական օրգանների և ձեռքերի համար նախատեսված անհատական պաշտպանության միջոցների օգտագործումը պարտադիր է դարձել։ Աշխատանքի վայրում կամ խանութում դիմակ կրելուց հրաժարված անձին սպառնում է 4000, իսկ հասարակական տրանսպորտոի և  տաքսու պարագայում՝ 5000 ռուբլու չափով տուգանք։  |tert.am|

15:19- Իրանում կորոնավիրուսի մայիսի 12-ի վիճակագրական տվյալները.

Վարակակիրների թիվն ավելացել է 1.481-ով
Ընդհանուր՝ 110.767
Մահացածների թիվն ավելացել է 48-ով
Ընդհանուր՝ 6.733
Ապաքինվածների թիվն ավելացել է 935-ով
Ընդհանուր՝ 88.357
[Իրանում ՀՀ դեսպանություն]

15:58-  Մայիսի 15-ից Իսպանիա ժամանող բոլոր անձինք, այդ թվում՝ Իսպանիայի քաղաքացիները, գտնվելու են 14-օրյա կարանտինում: [Իսպանիայում Հայաստանի դեսպանություն]

14:51-  Չինաստանի Ուհան քաղաքի իշխանությունները որոշում են կայացրել կորոնավիրուսի ախտորոշման թեստավորման ենթարկել տեղի բոլոր բնակիչներին: Թեստավորումը կատարվելու է 10 օրում: |armenpress.am|

13:40-  Ռուսաստանում վերջին մեկ օրում գրանցվել է կորոնավիրուսով վարակվածության 10 հազար 899 նոր դեպք: Նոր դեպքեր գրանցվել են երկրի 83 շրջաններում: Վերջին մեկ օրում գրանցվել է վարակի հետևանքով մահացության 107 դեպք: Հաստատված դեպքերի ընդհանուր թիվը հասել է 232 հազար 243-ի, որից 43 հազարն ապաքինվել են, 2116-ը՝ մահացել: |armenpress.am|

13:39- Բելառուսում ընդդիմությունը հայտարարել է, թե չի մասնակցի օգոստոսին կայանալիք նախագահական ընտրություններին: Բելառուսի Ազգային ճակատը հայտարարել է, որ համաճարակի պայմաններում ընտրարշավի անցկացումը խիստ անպատասխանատու և վտանգավոր քայլ է։ Նույնն է պնդել նաև ընդդիմադիր «Արդար աշխարհ» կուսակցությունը` նման պայմաններում ընտրությունների անցկացումը որակելով որպես հանցագործություն՝ սեփական ժողովրդի դեմ: |azatutyun.am|

12։15- ԱՄՆ Հելսինկյան հանձնաժողովը մեղադրել է Ադրբեջանին, կորոնավիրուսի համաճարակն օգտագործելով, քաղաքացիների և լրատվամիջոցների իրավունքներն ու ազատությունները սահմանափակելու համար. երկրում ակտիվիստներ և լրագրողներ են ձերբակալվում: Այս մասին ասվում է հանձնաժողովի երեկ հրապարակած հայտարարությունում: Փաստաթուղթն ընդգծում է, որ իշխանությունները պետք է դադարեցնեն օգտագործել ներկայիս համաշխարհային ճգնաժամը՝ սահմանափակելու «Ժողովրդական ճակատ» կուսակցության անդամների և այլ ակտիվիստների, ինչպես նաև լրագրողների խոսքի իրավունքը: |azatutyun.am|

11։22- Թուրքիայում մինչ օրս գրանցված վարակման դեպքերի թիվը կազմում է 139.771, որից 95.780-ն առողջացել է։ 24 ժամում նոր դեպքերի թիվն ավելացել է 1114-ով։ Մահացությունների թիվն ավելացել է 55-ով՝ կազմելով 3․841։ Ապաքինվածների թիվն ավելացել է 3.089-ով։ |ermenihaber.am|

10։22- Աշխարհում կորոնավիրուսային վարակով վարակվածների թիվն անցել է 4 միլիոն 256 հազարը: Մահացածների թիվն անցել է 287 հազարը: Ապաքինվել է 1 միլիոն 527 հազար 641 մարդ: Վարակվածների թվով առաջին տեղում գտնվող ԱՄՆ-ում 1 միլիոն 385 հազար 834 հաստատված դեպք կա: Այստեղ մահացածների թիվը 81 հազար 795 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 268 հազար 143 է: Մահացության ցուցանիշը կազմում է 26 հազար 744: |armenpress.am|

10։09- Վրաստանում կորոնավիրուսի հաստատված դեպքերն՝ ըստ վերջին տվյալների․

Հաստատված դեպքեր- 639 (+1)
Առողջացածներ- 349
Մահեր- 11 |stopcov.ge|

Նորություններ կորոնավիրուսի մասին, Աշխարհ, 13․05․20

Կորոնավիրուսի շուրջ զարգացումներ, Հայաստան, 12․05․20

Նորություններ կորոնավիրուսի մասին, Աշխարհ, 11․05․20