Ռումինիայի հայկական համայնքային կառույցների և անհատների աջակցությունից բացի Արցախի ժողովրդին օգնության խմբաքանակ են ուղարկել նաև ռումինացի մեր բարեկամները: Այդ մասին Ֆեյսբուքի էջում գրել է Ռումինիայում ՀՀ դեսպան Սերգեյ Մինասյանը:
«Շնորհակալություն ենք հայտնում ռումինացի բարերարներին, նախաձեռնությունը համակարգող մեր հայրենակիցներին, ինչպես նաև Երևանի թատրոնի և կինոյի պետական ինստիտուտի կամավորներին՝ այն իրականություն դարձնելու համար»,- գրել է դեսպանը:
