armenpress.am: Ղազախստանի նախագահի վաղաժամկետ ընտրությունները կկայանան հունիսի 9-ին: Այդ մասին հայտնել Է հանրապետության գործող ղեկավար Քասըմ-Ժոմարտ Տոկաեւը:
«Ես այդ առիթով խորհրդակցել եմ Ելբասի (ազգի առաջնորդ) Նուրսուլթան Աբիշեւիչ Նազարբաեւի, խորհրդարանի երկու պալատների խոսնակների, երկրի վարչապետի հետ, իմ որոշումը համաձայնեցրել եմ Սահմանադրական խորհրդի հետ, հանդիպել եմ խորհրդարանական կուսակցությունների առաջնորդների հետ: Վաղաժամկետ ընտրությունների վերաբերյալ որոշումը կարեւոր Է ու անհրաժեշտ»,-Տոկաեւն ասել Է իր ուղերձում:
Սահմանադրության համաձայն, Ղազախստանի նախագահի հերթական ընտրություններն անցկացվում են դեկտեմբերի առաջին կիրակի օրը, իսկ արտահերթ ընտրությունները նշանակվում են երկրի նախագահի որոշմամբ եւ, օրենքի համաձայն, անցկացվում են դրանց նշանակման օրվանից երկու ամսվա ընթացքում, հաղորդել Է «Ինտերֆաքս»-ը:
