Ապրիլի 6-ին Ադրբեջանի ՊՆ-ում Պաշտպանության նախարար, գեներալ-գնդապետ Զաքիր Հասանովի գլխավորությամբ տեղի է ունեցել աշխատանքային խորհրդակցություն։ Մեկնաբանելով ՀՀ պաշտպանության նախարար Դավիթ Տոնոյանի վերջերս հնչեցրած հայտարարությունը՝ Հասանովն այն անվանել է անպատասխանատու, ու հավելել, որ դա կհանգեցնի լարվածության սրմանը շփման գծում։
Նա ընդգծել է, որ բոլոր պլանային զորավարժությունները պետք է ուղղված լինեն լայնածավալ հարձակողական գործողություններ իրականացնելուն։ Հասանովը կարգադրություններ է տվել հրամանատարներին՝ կամզակերպել մշտական դիտարկում և հսկողության տակ պահել հայկական բանակի գործողությունները, հստակ հակահարված տալ ու ամեն րոպե պատրաստ լինել ակտիվ ռազմական գործողությունների։
