aysor.am: Լիբիայի կառավարության փոխվարչապետ Ալի Ֆարաջ ալ Կատրանին հայտարարել է հրաժարական տալու մասին և աջակցություն հայտնել լիբիական ազգային բանակի հրամանատար Խալիֆա Խաֆթարի ռազմական գործողությանը, հայտնել է Al Arabiya հեռուստաալիքը:
Աղբյուրի փոխանցմամբ՝ ալ Կատրանին Խաֆթարի ռազմական գործողությունը համարել է «ազատագրական» և քննադատել Լիբիայի կառավարության ղեկավար Ֆայեզ Սարաջի քաղաքականությունը, որը, ալ Կատրանիի խոսքով, Թրիպոլիում համագործակցում է զինյալների հետ:
Անցած շաբաթ Խաֆթարը հայտարարել է Թրիպոլիի վրա լիբիական ազգային բանակի հարձակման սկսվելու մասին: Ըստ վերջին տվյալների՝ ռազմական գործողության ընթացքում զոհվածների թիվը հասել է 32-ի, ևս մոտ 50-ը՝ վիրավորվել է:
