armtimes.com։ Հայաստանի մարզերի եւ Երեւանի 10 հանրակրթական դպրոցներում նոր ուսումնական տարվանից բացվելու են մասնագիտական կողմնորոշման ակումբներ` սովորողներին ապագա մասնագիտության ընտրության հարցում ուղղորդելու նպատակով:
Այս մասին տեղեկանում ենք ՀՀ կրթության եւ գիտության նախարարությունից: Ծրագրում ընդգրկված դպրոցների մասնագետները եռօրյա վերապատրաստում են անցնելու: Մասնագիտական կողմնորոշման թեմայի շրջանակում աշակերտներին կմատուցվեն ընդհանուր գիտելիքներ աշխարհում արդեն վերացող եւ նոր ստեղծվող մասնագիտությունների մասին:
Նախաձեռնությունը կիրագործվի կրթության եւ գիտության նախարարության, աշխատանքի եւ սոցիալական հարցերի նախարարության համագործակցությամբ՝ «Սեյվ դը չիլդրեն ինթերնեյշնլ» կազմակերպության հայաստանյան ներկայացուցչության կողմից: Ծրագիրը կիրագործվի ԵՄ ֆինանսավորմամբ իրականացվող «ԵՄ-ն հանուն երիտասարդության` հմտություններ ապագայի համար» տարածաշրջանային ծրագրի շրջանակներում:
