aysor.am: Եվրամիության Արևելյան գործընկերության շրջանակներում Հայաստանը շատ լավ օրինակ է, որպես երկիր, որտեղ ի վիճակի են իրականացնել մեծ փոփոխություններ, այսօր ԵՄ Արևելյան գործընկերության 10-ամյակին նվիրված համաժողովին ասաց ՀՀ-ում ԵՄ պատվիրակության ղեկավար, դեսպան Պյոտր Սվիտալսկին:
«Հայաստանը շատ լավ օրինակ է մի երկրի, որտեղ ի վիճակի են իրականցնել մեծ փոփոխություններ ու ներառվել շատ լուրջ գործընթացների մեջ` կառավարման համակարգը բարելավելու համար», – ասաց դեսպանը:
Նա նշեց, որ այսօրվա համաժողովը լավ հարթակ է, որպեսզի հայերը հայտարարեն, թե որ ուղղությամբ են ցանկանում տանել Արևելյան գործընկերությունը:
Անդրադառնալով Արևելյան գործընկերության առաջնահերթություններին` Սվիտալսկին նշեց, որ ոչ մի թաքնված օրակարգ այն չունի:
«Դեռևս կան մարդիկ, ովքեր կարծում են, որ այստեղ կար թաքնված օրակարգ, նրանք դավադրության տեսության համակիրներն են: Գաղափարն այն էր, որ պետք է ամրացնել հարևանության արևելյան մասը», – ասաց ԵՄ դեսպանը:
