armtimes.com: Ալեքսանդր Սարգսյանի որդու՝ Նարեկ Սարգսյանի գործով էքստրադիցիոն պրոցեսի մեջ ենք: Այս մասին այսօր Հակակոռուպցիոն հարցերով համաժողովից հետո լրագրողների հարցին ի պատասխան ասաց գլխավոր դատախազ Արթուր Դավթյանը։
«Որեւէ նոր բան չունեմ ձեզ ասելու: Էքստրադիցիոն բնական գործընթացի մեջ ենք, չունենք որեւէ այլ նորություն, որի մասին հանրությանը տեղեկացնելու անհրաժեշտություն կա»,- ասաց Դավթյանը:
Հարցին, թե ճի՞շտ է, որ Սարգսյանը Չեխիայի իշխանություններից քաղաքական ապաստան է հայցել, Դավթյանը պատասխանեց. «Գտնվում ենք բնական միջազգային իրավական փաստաթղթերով սահմանված կարգերով էքստրադիցիոն պրոցեսի մեջ»:
Հարցին, թե կա՞ նման տեղեկություն, Դավթյանը պատասխանեց. «Չկա այդպիսի տեղեկություն»:
