Ստամբուլի եվրոպական հատվածում գտնվող Արնավութքյոյ շրջանում խոշոր հրդեհ է բռնկվել տեղի քիմիական գործարաններից մեկում, այս մասին հաղորդում է թուրքական «Ջումհուրիյեթ» պարբերականը։
Նշվում է, որ դեռևս անհայտ պատճառներով բռնկված հրդեհը կարճ ժամանակում տարածվել է գործարանի բոլոր 3 հարկերով։ Կրակի մարման աշխատանքներին մասնակցում է 40 ջրցան մեքենա և 129 հրշեջ-փրկարար։
Տուժածների մասին տեղեկություններ չեն հաղորդվում։
