factor.am: Ադրբեջանի ռազմաօդային ուժերը, մարտական պատրաստվածության պլանի համաձայն, ինքնաթիռների ներգրավմամբ ուսումնական վարժանքներ են անցկացրել։ Այս մասին գրում են ադրբեջանական լրատվամիջոցները՝ վկայակոչելով ՊՆ-ին։
«Սցենարի համաձայն՝ ՄիԳ-29 ինքնաթիռները ցածր և միջին բարձրության վրա կատարել են բարդ և մարտական մանևրներ։ Զորավարժությունների ընթացքում օդաչուները պայմանական հակառակորդի ցամաքային թիրախների կոորդինատները որոշելու, ՀՕՊ համակարգերից խուսափելու և օդային մարտեր վարելու առաջադրանքներ են մշակել»,- ասվում է ՊՆ հաղորդագրության մեջ։
