Ազգային ժողովի ընդդիմադիր խմբակցությունների նախաձեռնած արտահերթ նիստը չկայացավ։ ԱԺ մեծամասնություն կազմող ՔՊ խմբակցությունը չներկայացավ նիստին։ Ալեն Սիմոնյանը հայտարարեց, որ պատգամավորների գրանցումը կշարունակվի 4 ժամ։
Իշխող խմբակցությունը նախապես հայտարարել էր, որ չեն մասնակցելու նիստին։ 

Հիշեցնենք, որ Ազգային ժողովի «Հայաստան» և «Պատիվ ունեմ» խմբակցությունները հանդես էին եկել Ազգային ժողովի արտահերթ նիստ հրավիրելու նախաձեռնությամբ՝ հայ-ադրբեջանական և հայ-թուրքական հարաբերությունների օրակարգով։