Լրատվական Ագրեգատոր

Իշխանությունն այսպիսով ազդարարում է, որ պատերազմ է հայտարարում ոչ թե կորոնավիրուսին ու աղքատությանը, այլ՝ ընդդիմությանը, խորհրդարանական ամենամեծ ընդդիմադիր խմբակցությանը։ Միով բանիվ՝ ակնհայտ է դառնում, որ վիճահարույց օրենքներն ընդունվել են՝ ոչ թե երկրում օրինականություն և արդարություն հաստատելու, այլ՝ ընդդիմության դեմ՝ որպես մահակ, օգտագործելու համար։ Գագիկ Ծառուկյանը վերահաստատում է իր ելույթում արտահայտված բոլոր մտքերը՝ կառավարությանը կոչ անելով վերջ տալ քաղաքական շանտաժին ու վերադառնալ երկխոսության ու քաղաքակիրթ բանվեճի դաշտ։ Արտակարգ դրությունը պետք է օգտագործել ոչ թե ընդդիմությանը, այլ՝ կորոնավիրուսին «լռեցնելու» համար։ [ԱԺ «Բարգավաճ Հայաստան» խմբակցության պատգամավոր Իվետա Տոնոյան] Ավելին

Այսօր 00:10

Կարծում եմ պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային: Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է, որովհետեւ Հայաստանում բոլորը հավասար են օրենքի առաջ, նաեւ՝ ապօրինի ձեռքբերված գույքը բռնագանձելու մասին օրենքի առաջ, որով մտահոգվելու առիթ նույնպես պարոն Ծառուկյանը կարող է ունենալ: [Վարչապետի մամուլի քարտուղար Մանե Գևորգյան] Ավելին

23:13 - 5/հունիսի/2020

Այսօր, պարզվում է, խոսել է Ծառուկյան Գագիկը։ Նա գուժել է երկրի կործանումը, խոսել է նաև Արցախի մասին և պատրաստակամություն հայտնել երկիրը իշխանություններից փրկելու համար համագործակցել ցանկացած քաղաքական ուժի ու անհատի հետ։ Առաջ, պարոն Ծառուկյան, ՀՀԿ-ն ու ՕԵԿ-ը սպասում են ձեզ։ Կարող եք սպասել մինչև մարտի 1-ն ու նոր համախմբվել, որ ավելի խորհրդանշական լինի։ Կորոնավիրուսի համաճարակը մենք, վստահաբար, կհաղթահարենք՝ ի հեճուկս բոլորի, ու դրանից հետո գալու է հիշելու ու վերհիշելու ժամանակը՝ թե ով իրեն ինչպես է պահել պատասխանատու պահին: [Ռուբեն Ռուբինյան] Ավելին

21:55 - 5/հունիսի/2020

ՊԵԿ նախկին նախագահ Գագիկ Խաչատրյանի մյուս որդին՝ Արտյոմ Խաչատրյանը, որպես մեղադրյալ է ներգրավվել ԱԱԾ-ում քննվող 4 քրեական գործով. դատարանի որոշմամբ նրա նկատմամբ որպես խափանման միջոց է ընտրվել կալանավորումը եւ հայտարարվել հետախուզում: |armtimes.com| Ավելին

21:45 - 5/հունիսի/2020

ՀՀ Կառավարության որոշմամբ՝ Էդվարդ Հովհաննիսյանը նշանակվել է պետական եկամուտների կոմիտեի նախագահի պաշտոնում: Նա ավելի վաղ ազատվել է ՊԵԿ փոխնախագահի պաշտոնից։ Ավելին

20:45 - 5/հունիսի/2020

Կորոնավիրուսով վարակվածության այսօրվա ցուցանիշը Լոռու մարզում 251 մարդ է: Նրանցից 135-ը "Գլորիա" կարի ֆաբրիկայի աշխատակիցներ են: Ընդ որում, այս թիվն ստացվել է "Գլորիա" ֆաբրիկայի 197 աշխատակցի թեստավորման արդյունքում: Լավացածների թիվը 67 է: Մեկուսացված է 621 մարդ: Ունենք մահվան 1 դեպք: Այս ցուցանիշները հղի են վտանգավոր ու անկանխատեսելի հետևանքներով: [մարզպետ Անդրեյ Ղուկասյան] Ավելին

20:36 - 5/հունիսի/2020

ՀՀ վարչապետի որոշմամբ Էդվարդ Հովհաննիսյանն ազատվել է պետական եկամուտների կոմիտեի նախագահի տեղակալի պաշտոնից: Ավելին

20:15 - 5/հունիսի/2020

Կանխատեսվում է, որ Հայաստանում կորոնավիրուսի համաճարակի գագաթնակետը պետք է լինի հունիսի վերջին, սակայն դա հիմնավորող կամ ապացուցող տվյալ չկա, և որևէ մեկը չի կարող հաստատել, որ երկրում պիկը լինելու է հունիսին, և ոչ հոկտեմբերին, դեկտեմբերին կամ 2021-ի փետրվարին: [Նիկոլ Փաշինյան] |panarmenian.net| Ավելին

19:47 - 5/հունիսի/2020

Երեկ ՀՀ վարչապետ Նիկոլ Փաշինյանն իր ֆեյսբուքյան էջում տեղադրել էր Արարատի մարզի Սուրենավանի միջնակարգ դպրոցի 11-րդ դասարանի աշակերտների, ծնողների և ուսուցչուհու մասնակցությամբ հավաքի լուսանկար։ Արտակարգ դրության իրավական ռեժիմի կանոնները խախտելու համար, այսօր Սուրենավանի դպրոցի տնօրենին խիստ նկատողություն եմ հայտարարել, իսկ հավաքին մասնակից ուսուցչուհին ազատվել է աշխատանքից։ [մարզպետ Գարիկ Սարգսյան] Ավելին

19:35 - 5/հունիսի/2020

Պարզվել են Մանվել Գրիգորյանի կնոջ՝ «Հայբյուրեղապակի» ԲԲ ընկերության 80 տոկոսի սեփականատեր Նազիկ Ամիրյանի կողմից ընկերությանը պատկանող առանձնապես խոշոր չափերի՝ 221 մլն 970 հազ. ՀՀ դրամ արժողությամբ գույքը յուրացնելու և ընկերությունը կանխամտածված սնանկության տանելու դեպքերի մի շարք հանգամանքներ: Վերջինիս մեղադրանք է առաջադրվել առանձնապես խոշոր չափի յուրացում կատարելու և ընկերությունը կանխամտածված սնանկության տանելու համար։ Նրա նկատմամբ որպես խափանման միջոց է ընտրվել ստորագրություն՝ չհեռանալու մասին: [ՔԿ] Ավելին

18:16 - 5/հունիսի/2020

Ոստիկանության համակարգում մոտ 100 ոստիկան կա վարակված: Կան նաև մեկուսացվածներ: Նրանց վիճակը նորմալ է, ունեցել ենք դեպքեր, երբ վատ են եղել, բայց հիմա ապաքինվել են: [ՀՀ ոստիկանապետ Արման Սարգսյան] |armenpress.am| Ավելին

17:40 - 5/հունիսի/2020

Հետևողական լինելով բջջային հեռախոսների միջոցով քաղաքացիների անձնական տվյալների հավաքագրման և մշակման ծրագրի մասին հանրությանը թափանցիկություն ապահավելու գաղափարին, Շուշան Դոյդոյանը, և ես պաշտոնական հարցումով դիմեցինք ՀՀ Կառավարությանը։ Այսօր Տիգրան Ավինյանի գրասենյակից պատասխան ստացանք առ այն, որ կամավոր հիմունքներով կատարված աշխատանքը գնում չէ, հետևաբար Կառավարությունը իրավասու է հանրությանը տեղեկատվություն չտրամադրել ծրագրի հեղինակների մասին։ [Իզաբելլա Սարգսյան] Ավելին

16:44 - 5/հունիսի/2020

ԵԽԽՎ իրավաբանական հարցերի և մարդու իրավունքների հանձնաժողովի նիստում ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը նշանակվել է «Covid-19 պանդեմիայի ազդեցությունը մարդու իրավունքների և իրավունքի գերակայության վրա» հարցով զեկուցող: Ավելին

16:25 - 5/հունիսի/2020

Ոստիկանության գործողությունների իրավաչափությունը կստուգվի: Շատ իրավաչափ եմ համարում, որովհետև քաղաքացուն ասում են՝ կատարիր պարետի որոշման պահանջները, և այն քաղաքացին, որը չի կատարում այդ պահանջները և փորձում է ոստիկանին հրահրելով ներքաշել ինչ-որ բանի մեջ, պետք է ոստիկանն այդպես գործի: [Ոստիկանապետ Արման Սարգսյանը՝ հարցին ի պատասխան՝ կապված համացանցում հայտնված տեսանյութի հետ, որտեղ երևում է, թե ինչպես են ոստիկանության աշխատակիցները ձեռնաշղթա հագցնում և բերման ենթարկում քաղաքացուն։] |armenpress.am| Ավելին

15:37 - 5/հունիսի/2020

Վարչապետի հետ ՊԵԿ նախագահի տարաձայնությունը եղել է բացառապես աշխատանքային բնույթի` կապված կադրային խնդրի հետ: Պարոն Անանյանը նախընտրել է ինքը հեռանա, քան թե հեռացնի ոլորտում երկարամյա փորձ ունեցող արդյունավետ կադրերից մեկին։ [ՊԵԿ տեղեկատվության և հասարակայնության հետ կապերի բաժին] |azatutyun.am| Ավելին

14:47 - 5/հունիսի/2020

ՄԱԿ Գլխավոր ասամբեայի 75-րդ նստաշրջանի նախագահի նախնականորեն հաստատված միակ թեկնածուն Թուրքիայի ներկայացուցիչ Վոլքան Բոզքիրն է: Հայաստանը, Հունաստանը և Կիպրոսը, խախտելով լռության ընթացակարգը, նամակներով դիմել են ՄԱԿ ԳԱ 74-րդ նստաշրջանի նախագահ Թիջանի Մուհամմեդ-Բանդեին՝ պահանջելով քվեարկություն: Նույնիսկ մեկ երկրի պահանջով քվեարկությունը պարտավոր է իրականանալ: [ԱԳՆ մամուլի խոսնակ Աննա Նաղդալյանի պատասխանները «NewArmenia» լրատվական գործակալության հարցերին] Ավելին

13:54 - 5/հունիսի/2020

Գավառում տեղի ունեցած միջադեպի գործով որպես մեղադրյալ ներգրավված է 30 անձ, որոնցից 25-ը՝ զանգվածային անկարգություններին մասնակցելու, մեկը՝ նաև սպանության փորձի, երեքը՝ երկու և ավելի անձանց, շատերի կյանքի համար վտանգավոր եղանակով սպանության փորձի, ապօրինի կերպով հրազեն ձեռք բերելու, պահելու և կրելու, իսկ մեկը՝ երկու և ավելի անձանց, շատերի կյանքի համար վտանգավոր եղանակով սպանության և ապօրինի կերպով հրազեն ձեռք բերելու, պահելու և կրելու համար: [ՀՀ ՔԿ ] Ավելին

13:37 - 5/հունիսի/2020

Իմ ուսունասիրությունները ցույց են տալիս, որ ռազմական կոչերը ակտիվորեն քննարկվում են նաև Ադրբեջանի խորհրդարանում, որտեղ որոշ պատգամավորներ կոչ են անում օր առաջ ռազմական գործողությունները վերսկսել։ Սա ներքին պրոցեսների արդյունք է և այդ կոչերը ուղղված են ներքին լսարանին։ Չեմ կարծում, որ Ադրբեջանը հիմա նման արկածախնդրության կգնա: Այտուհանդերձ, այդ կոչերն անպատասխան չեն մնալու, մենք մեր գործընկերների հետ աշխատում ենք այս ուղղությամբ: [«Իմ քայլը» խմբակցության պատգամավոր Տաթևիկ Հայրապտյան] Ավելին

13:09 - 5/հունիսի/2020

Սիրելի հայրենակիցներ, ոստիկանությունը ուժային կառույց է, և սահմանված կանոնների նկատմամբ բացահայտ արհամարհանք ցույց տվողների նկատմամբ, օրենքով սահմանված կարգով կարող է և պե՛տք է ուժ կիրառի: Սա իմ պահանջն է ոստիկանությունից սա նաեւ հանրության պահանջն է ոստիկանությունից: [Նիկոլ Փաշինյան] Ավելին

12:58 - 5/հունիսի/2020

Ամբողջ աշխատանքները ընթացան կառուցողական, բայց վերջում կարծես թե, մեր գործընկերները փոխեցին իրենց որոշումը և մոտեցումը։ Բակո Սահակյանի հետ ապրիլյան հանձնաժողովի զրույցի պլանվորման և իրականացման պրոցեսը տեղի է ունեցել առանց մեր գիտության։ Սա միանշանակ գործընկերային և կառուցողական չէ։ Սա այն մենիշխանությունն է, որի մասին մենք խոսում ենք, և որին փաստացի բոլոր ոլորտներում ձգոտւմ են մեր գործընկերները։[«Լուսավոր Հայաստան» խմբակցության պատգամավոր Գևորգ Գորգիսյան] Ավելին

12:55 - 5/հունիսի/2020

ՌԴ-ից Ադրբեջան երկակի նշանակության ռազմական արտադրանք մատակարարելու համար կաշառքի գործով կալանավորվել է ՌԴ Արդյունաբերության և առևտրի նախարարության Ռազմատեխնիկական համագործակցության բաժնի պետը, ով Նովգորոդի ավիացիոն ընկերության գլխավոր տնօրենից 4,5 մլն ռուբլի է ստացել վերոնշյալ գործարքի համար արտոնագիր տալու համար: |armenpress.am| Ավելին

12:23 - 5/հունիսի/2020

2019 թվականին ՀՀ տնտեսությունը շարունակեց աճել նախորդ տարվա համեմատ ավելի արագ տեմբերով և գրանցվեց՝ 7․6 տոկոս տնտեսական աճ։ 2019 թվականին պետբյուջե է մուտքագրվել շուրջ 1.5 տրիլիոն դրամ եկամուտ՝ շուրջ 16.7 տոկոսով, կամ շուրջ 223 միլիարդ դրամով գերազանցելով նախորդ տարվա ցուցանիշը: Հարկային եկամուտները աճել են 16.4 տոկոսով։ 2019 թվականի դեկտեմբերի 31-ի դրությամբ կառավարության պարտքը կազմել է շուրջ 3.2 տրիլիոն դրամ կամ ՀՆԱ-ի 50 տոկոսը։ [Փոխվարչապետ Մհեր Գրիգորյան] Ավելին

12:12 - 5/հունիսի/2020

Վրաստանի սիրելի գործընկերներ, որպես հայ-վրացական միջխորհրդարանական բարեկամական խմբի ղեկավար՝ երախտագիտություն եմ հայտնում ձեզ ու վրաց ժողովրդին Հայաստանի համար այս դժվարին պահին մեզ սատարելու և աջակցության ձեռք մեկնելու համար: Վստահ եմ, որ անտեսանելի այս թշնամու` կորոնավիրուսի դեմ հաղթանակը տոնելու ենք միասին։ [Լենա Նազարյան] Ավելին

12:08 - 5/հունիսի/2020

Համավարակի շրջանում կառավարությունը մշտական կապի մեջ է հայկական կողմի հետ: Այսօր Վրաստանի արտգործնախարար Դավիթ Զալկանիանին և նրա հայ գործընկերը անդրադարձել են երկու երկրներում տիրող իրավիճակին: Զալկանիանին ևս մեկ անգամ իր համերաշխությունն է հայտնել Հայաստանին ու խոսել օգնություն ցուցաբերելու պատրաստակամության մասին: [Վրաստանի ԱԳՆ] |aliq.ge| Ավելին

11:30 - 5/հունիսի/2020

Ես կարծում եմ, որ համավարակի այս օրերին խորը գնահատման պրոցես է տեղի ունենում, որը կապված է անհատի և պետական կարգի փոխհարաբերություններով։ Հին ընկալմամբ՝ օրենքները գրում են իշխողները, որպեսզի քաղաքացիներին պահեն իրենց հսկողության տակ: Նոր ընկալմամբ՝ պետք է լինի, որ օրենքները ստեղծում են բոլորս՝ որպես համակեցության կանոնների ամբողջություն, որպես պայմանավորվածություն, թե ինչպես ենք մենք ապրելու և հարաբերվելու իրար հետ: [Նիկոլ Փաշինյան] Ավելին

10:58 - 5/հունիսի/2020

Հունիսի 5-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 11817 դեպք, որոնցից 3513-ն` առողջացած, 183-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8052 պացիենտ: Ընդհանուր առմամբ կատարվել է 65161 թեստավորում: Այսպիսով` ունենք կորոնավիրուսային հիվանդությամբ հաստատված 596 նոր դեպք և 45 առողջացած։ Ավելին

10:55 - 5/հունիսի/2020

2019 թվականը բյուջետային առումով պատմական տարի էր Հայաստանի համար, որովհետև ՀՀ կառավարությանը հաջողվեց, ի սկզբանե նախատեսվածից 104 միլիարդ դրամ ավել հարկային եկամուտներ գեներացնել։ 2019 թվականին արձանագրվել է վերջին 12 տարվա աննախադեպ՝ 7․6 տոկոս տնտեսական աճ։ 2020 թվականը առնվազն պատմական է կորոնավիրուսի, չնայած պարզ է, որ մենք ունենալու ենք տնտեսական որոշակի խնդիրներ։ [Նիկոլ Փաշինյան] Ավելին

09:58 - 5/հունիսի/2020

Հյուսիսարևելյան սահմանագոտու նոր հենակետն է։ Այն բարձրադիր գոտում է, իշխող դիրք ունի ավելի արդյունավետ մարտ վարելու համար: Հակառակորդի միանգամից մի քանի դիրք մեր տեսադաշտում է: Գործնականում այս տեղամասում հակառակորդն այլևս չի կարող լուրջ գործողություններ ձեռնարկել, այլապես կպատժվի շատ խիստ: Հենց դրա համար էլ զորամասում տվյալ հենակետն անվանում են «պատժիչ»: [ՊՆ մամուլի քարտուղար Շուշան Ստեփանյան] Ավելին

09:35 - 5/հունիսի/2020

ՊՎԾ մոնիթորինգի վարչությունը ՊԵԿ–ում որոշակի ռիսկեր է վերհանել և մայիսի 12–ից ստուգումներ է սկսել այնտեղ։ Ուսումնասիրությունները մեծածավալ են, և դեռ վաղ է խոսել դրանց ավարտի մասին։ [ՊՎԾ մամուլի խոսնակ Սեդա Աղբալյան] |news.am| Ավելին

20:42 - 4/հունիսի/2020

Բնականաբար, պարետատան կողմից դիտարկվում են տարբեր սցենարներ, այդ թվում՝ մեր միջազգային գործընկերներին աջակցության հարցով դիմելու հնարավորությունը, որի կարիքն այժմ գնահատվում է: [Տիգրան Ավինյանի մամուլի խոսնակ Վահան Հունանյան] Ավելին

19:52 - 4/հունիսի/2020

Արձանագրվել է 33 տարեկան քաղաքացու մահ: Երիտասարդն ունեցել է քրոնիկ հիվանդություններ և մահվան պատճառն այդ բարդացած անամնեզն է եղել։ Այս պահին 418 ծանր վիճակում գնվող քաղաքացի, և 81 ծայրահեղ ծանր վիճակում գտնվող պացիենտներ կան: Պետք է մեր պատկերացումները փոխենք վիրուսի և տարիքային շեմի հետ կապված: Պետք է հասկանանք, որ ոչ մեկն` անկախ տարիքից ու սեռից, ապահովագրված չէ կորոնավիրուսային հիվանդությունից: [Արսեն Թորոսյան] Ավելին

18:14 - 4/հունիսի/2020

Մի քանի օր առաջ Նոյեմբերյան համայնքի մի քանի բնակիչներ կապ հաստատեցին ինձ հետ և իրենց մտահոգությունները հայտնեցին, առ այն, որ իրենց մշտական իջևանման վայրում կատարվում են ցանկապատման աշխատանքներ, և հորդորում են ապամոնտաժել կացարանները։ Ասացին, որ իրենց տեղեկություններով այդ տարածքները, որը 800 հեկտարից ավելի է, վարձակալությամբ տրվել է «Հիմնատավուշ» հիմնադրամին։ [«Լուսավոր Հայաստան» խմբակցության պատգամավոր Սարգիս Ալեքսանյան] Ավելին

17:22 - 4/հունիսի/2020

Մամուլում շրջանառվող լուրերը փարատելու նպատակով, ցանկանում եմ տեղեկացնել, որ այսօր ՀՀ Վարչապետին եմ ներկայացրել աշխատանքից ազատման դիմում։ [ՊԵԿ նախագահ Դավիթ Անանյան] Ավելին

16:35 - 4/հունիսի/2020

Եթե «Գազպրոմ Արմենիա» ՓԲԸ-ն իր հայտով առաջարկել էր բոլոր սպառողների համար կիրառել միասնական մեկ սակագին, ապա ՀԾԿՀ-ն առաջարկում է պահպանել գործող հիմնական սպառողական խմբերը՝ շարունակել ջերմոցային տնտեսություններին, վերամշակող կազմակերպություններին և սոցիալապես անապահով ընտանիքներին որպես առանձին սպառողական խմբեր դիտարկելը՝ հնարավոր նվազ սակագների սահմանմամբ: [ՀԾԿՀ սակագնային քաղաքականության վարչության պետ Աշոտ Ուլիխանյան] |armenpress.am| Ավելին

15:34 - 4/հունիսի/2020

ՃՈ ծառայության Սևանի հաշվառման-քննական բաժանմունքի ավագ տեսուչը վարորդական վկայական տրամադրելու համար առանց քննություն ընդունելու 3 անձից առերևույթ ստացել է տարբեր չափերի՝ 120.000-ից մինչև 200.000 ՀՀ դրամ կաշառք: Վերջինիս առաջադրվել է մեղադրանք պաշտոնեական լիազորությունների չարաշահման, խոշոր չափերով կաշառք ստանալու փաստերով։ Ավելին

13:46 - 4/հունիսի/2020

Կառավարության որոշմամբ ընդլայնվել են շահառուների խմբերը, որոնք կարող են ստանալ անվճար կամ արտոնյալ պայմաններով վերարտադրողականության օժանդակ տեխնոլոգիաների կիրառմամբ բժշկական օգնության և սպասարկման ծառայություններ։ Այժմ ծառայություններից կարող են օգտվել 194 սահմանամերձ բնակավայրի բնակիչները նախկին` 38-ի փոխարեն, ինչը մոտավոր հաշվարկներով կկազմի 400-500 շահառու: Ավելին

12:55 - 4/հունիսի/2020

«Իմ քայլը» խմբակցության պատգամավոր Նարեկ Զեյնալյանի առաջարկը՝ իր հեղինակած՝ մեկուսացման նպաստ սահմանող օրենքի նախագծին դեմ քվեարկել և այն տեղափոխել առաջարկությունների ստացման փուլ, քվեարկությամբ ստացավ 85 «կողմ» և 2 «ձեռնպահ» ձայն և ուղարկվեց գրավոր առաջարկությունների ստացման փուլ։ |armenpress.am| Ավելին

12:25 - 4/հունիսի/2020

2020 թ.-ին «Դայակ պետության աջակցությամբ» ծրագրից կարող է օգտվել 600 քաղաքացի, ինչը շուրջ 20% -ով ավելի է, քան նախատեսված էր 2019 թ.-ի համար: Նախատեսված է 448 800 000 դրամ գումարի վերաբաշխվում 2020 թ.-ին ընդգրկված 600 քաղաքացիների և 2019 թ.-ից շարունակվող ծրագրերի ֆինանսավորման համար: Տարեսկզբից ծրագրի օգնությամբ աշխատանքի է վերադարձել 224 մարդ: Մարտ, ապրիլ ամիսներին՝ արտակարգ դրության պայմաններում, աշխատանքի վերադարձածների թվում մեծ է բժիշկների, բուժքույրերի, մանկավարժների թիվը: [ՀՀ Աշխատանքի և սոցիալական հարցերի նախարարություն] Ավելին

11:19 - 4/հունիսի/2020

Ծանր վիճակում ունենք 391 հոգի, ծայրահեղ ծանր 59 հոգի, թոքերի արհեստական օդափոխման սարքերին միացված է 15 հոգի։ Կա նաև մեկ այլ վտանգավոր տենդենց, որ նորից ունենում ենք դեպքեր տարբեր արտադրական կոլեկտիվներում։ Մեր իսկ փորձը ցույց է տալիս, որ դրանից հետո հնարավոր է մեծ բռնկում, որովհետև մարտի սկզբին արձանագրված օջախներից մեկի պատճառով է, որ վարակը շատ արագ տարածվեց երկրում՝ կրկին արտադրամասից։ Լարված է մնում ամենօրյա հոսպիտալիզացիաների իրավիճակը։ [Արսեն Թորոսյան] Ավելին

11:06 - 4/հունիսի/2020

Արցախում հայկական ոչ մի հեռուստաալիք չի փակվել, և վերջին օրերին բոլոր շահարկումներն այս առումով ուղղակի անընդունելի են: Տեխնիկական խափանման պատճառով մի շարք հեռուստաալիքների ազատ հեռարձակումը ընդամենը ժամանակավորապես դադարեցվել է: [Արցախի նախագահի աշխատակազմի տեղեկատվության գլխավոր վարչության պետ] Ավելին

10:54 - 4/հունիսի/2020

Հունիսի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 11221 դեպք, որոնցից 3468-ն` առողջացած, 176-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 7509 պացիենտ: Ընդհանուր առմամբ կատարվել է 63459 թեստավորում: Այսպիսով` ունենք կորոնավիրուսային հիվանդությամբ հաստատված 697 նոր դեպք և 14 առողջացած։ Ավելին

10:43 - 4/հունիսի/2020

Մեզ մոտ համաճարակային վիճակն էլ ավելի է վատանում։ Երեկ կորոնավիրուսից մահացել է 6 մարդ, ևս 9 մահվան դեպք էլ արձանագրվել է, երբ բժիշկները մահվան պատճառն այլ են գնահատել, բայց նրանք վարակված են եղել կորոնավիրուսով: Պարետատանը մենք ունենք սցենարներ և այդ սցենարներից մեկը կկիրառենք, բայց իմ կոչը, խնդրանքը և ակնկալիքն է, որ Հայաստանում սկսվի հակահամաճարակային շարժում։Մենք հասել ենք այն եզրին, որ մեր առողջապահական համակարգը ճկվում է արդեն։ [Նիկոլ Փաշինյան] Ավելին

09:07 - 4/հունիսի/2020

Երեկ տեղի ունեցած զինծառայողի մահվան փաստով հարուցվել է քրեական գործ։ Վերջինս մահացել է զորամասի ավտոմեքենայի կողաշրջման հետևանքով՝ զորավարժությունից վերադառնալիս։ Եվս 5 զինծառայող և 1 սպա ստացել են տարբեր մարմնական վնասվածքներ։ [Քննչական կոմիտե] Ավելին

20:26 - 3/հունիսի/2020

Հայաստանում արտակարգ դրության իրավական ռեժիմի սահմանումից հետո ոստիկանության տարբեր ստորաբաժանումների և ծառայողների կողմից կազմվել է վարչական իրավախախտման 20 հազար 742 արձանագրություն, որոնցից 931-ը՝ նախօրեին։ [ՀՀ ոստիկանապետ Արման Սարգսյան] |armenpress.am| Ավելին

19:56 - 3/հունիսի/2020

Կորոնավիրուսից մահացած անձանց տվյալները հրապարակելու փաստով՝ անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու դեպքի առթիվ ոստիկանությունում հարուցվել է քրգործ, որն ուղարկվել է ՀՀ քննչական կոմիտե՝ նախաքննության։ Ավելին

19:44 - 3/հունիսի/2020

Արդեն իսկ սահմանվելու է, որ բնակության վայրի բնակելի տարածքից դուրս գտնվելիս հանրային բոլոր բաց տարածքներում դիմակ կրելը լինելու է պարտադիր։ Դիմակների կրումը հանրային բաց տարածքներում պարտադիր չի լինելու միայն մինչև 6 տարեկան երեխաների համար, ինչպես նաև ֆիզիկական վարժություններ կամ հեծանվավարություն իրականացնելիս։ [Տիգրան Ավինյան] Ավելին

17:30 - 3/հունիսի/2020

Ճանապարհատրանսպորտային պատահարի հետևանքով մահացել է ՊԲ հյուսիս-արևելյան ուղղությամբ տեղակայված զորամասերից մեկի զինծառայող, 2001թ. ծնված Սարգիս Մասիսի Ղուլյանը: Դեպքի մանրամասները պարզելու համար կատարվում է քննություն։ [Արցախի ՊԲ] Ավելին

16:13 - 3/հունիսի/2020

2018թ. ի վեր, երբ ներկայիս կառավարությունը ձևավորվել է վարչապետի գլխավորությամբ, որևէ երրորդ երկրի հետ Հայաստանի մասնակցությամբ, այդ թվում ի դեմս ՊՆ-ի, որևէ նմանատիպ գործարք տեղի չի ունեցել: [ՀՀ Պաշտպանության նախարարի տեղակալ Գաբրիել Բալայանը`զենքի անօրինական վաճառքի մեջ կառավարության ներգրավված լինելու լոuրերի մասին] |armenpress.am| Ավելին

16:00 - 3/հունիսի/2020

Կորոնավիրուսից ամենաշատ տուժած երկիրը մնում է ԱՄՆ-ը, այնտեղ 1 միլիոն 800 հազարից ավելի դեպք է արձանագրվել, մահվան դեպքերի թիվն անցել է 108 հազարը։ Երկրորդը Բրազիլիան է՝ կես միլիոնից ավելի վարակվածներ, 31 հազարից ավելի մահացածներ։ Երրորդ տեղում Ռուսաստանն է՝ 400 հազարից ավելի վարակվածներ , 5 հազարից ավելի մահվան դեպքեր: |azatutyun.am| Ավելին

15:21 - 3/հունիսի/2020

Հայաստանի ազգային գրադարանի էլեկտրոնային շտեմարանները, որոնք մայիսի 9-ից խափանվել էին, վերականգնվել են և հասանելի են 24 ժամ: [Ազգային գրադարանի տնօրենի ժամանակավոր պաշտոնակատար Հրաչյա Սարիբեկյան] |armenpress.am| Ավելին