17:02- Իրանում կորոնավիրուսի հունիսի 25-ի վիճակագրական տվյալները.

• Վարակակիրների թիվն ավելացել է 2.595-ով
  Ընդհանուր՝ 215.096
• Մահացածների թիվն ավելացել է 134-ով
  Ընդհանուր՝ 10.130
• Ապաքինվածների թիվն ավելացել է 3.007-ով
  Ընդհանուր՝ 175.103 [Իրանում ՀՀ դեսպանություն]

16:26- Եթե կորոնավիրուսի տարածումը Ադրբեջանում շարունակվի նույն տեմպերով, երկրի առողջապահական համակարգը կարող է չդիմանալ: Սզբում մեզ հաջողվեց խուսափել մեծ դժբախտությունից, այսօր, սակայն, վարակակիրների թիվը կրկին աճում է։ Ադրբեջանում արձանագրված կորոնավիրուսի դեպքերը հատել են 13 հազարի շեմը: [Ադրբեջանի նախագահ Իլհամ Ալիև] |azatutyun.am|

15:32- Լատվիայում 5 օր շարունակ չեն արձանագրվում կորոնավիրուսով վարակվածության նոր դեպքեր: Երկրում հիվանդությունը հաստատվել է 1.111 մարդու մոտ, մահացել է 30-ը: |armenpress.am|

14:25- Այսօր ԵԽԽՎ Բյուրոյի օնլայն նիստի ժամանակ որոշում է կայացվել չեղարկելու ամառային նստաշրջանը: Համաճարակաբանական իրավիճակի պատճառով այն հետաձգվել է: [ԵԽԽՎ փոխխոսնակ] |news.am|

12:27- Աշխարհում կորոնավիրուսային վարակի դեպքերի ընդհանուր թիվը գերազանցել է 9 միլիոն 430 հազարը, մոտ 4 միլիոն 750 հազարը ապաքինվել է, զոհերի թիվը մոտենում է 483 հազարին: Այժմ համաճարակի էպիկենտրոնը Լատինական Ամերիկայում է: |azatutyun.am|

12:07- Հունիսի 25-ի դրությամբ Վրաստանում կորոնավիրուսով վարակի 3 նոր դեպք է գրանցվել. ընդհանուր դեպքերի քանակը երկրում 917 է: Բուժվել է ևս 5 պացիենտ: |aliq.ge|

10:41- ԱՀԿ-ն կոչ է անում ավելի շատ արտադրել դեքսամետազոն, որը, ըստ Օքսֆորդի համալսարանի գիտնականների ու բժիշկների, կրճատում է մահվան հավանականությունը ծանր վիճակում գտնվող, կորոնավիրուսով հիվանդների մոտ։ Դեքսամետազոնը գործածության մեջ է ավելի քան 50 տարի: Այն պետք է ընդունել միայն ծանր դեպքերում և բժիշկների հսկողությամբ։ |azatutyun.am|

10:35- Թուրքիայում հունիսի 24-ին կորոնավիրուսից մահացել է 24 մարդ։ Հաստատվել է 1.492 նոր դեպք։ Երկրում ընդհանուր առմամբ արձանագրվել է վարակման 191․657, մահվան 5․025 դեպք։ |ermenihaber.am|

09:53- Համաշխարհային տնտեսությունն այս տարի կկրճատվի 4,9 տոկոսով: Վերականգնումը ևս կլինի ավելի դանդաղ, քան ակնկալվում էր մինչ այդ։ Սա Երկրորդ համաշխարհայինից հետո ամենամեծ տնտեսական ճգնաժամն է: Hամաճարակի տարածման վերաբերյալ բազմաթիվ հարցեր դեռ անորոշ են. շատ ցուցանիշներ կարող են կրկին փոխվեl [ԱՄՀ զեկույց] |azatutyun.am|

01:01- Ադրբեջանական հաքերները երկու ֆայլով հրապարակել են կորոնավիրուսով վարակակիրների անձնական նոր տվյալներ՝ անուններ, հասցեներ եւ բջջային հեռախոսները։ Այս անգամ անձնագրային տվյալներ չկան։ Մոտ հազար հոգու տվյալ կա։ [Սամվել Մարտիրոսյան]

Նորություններ կորոնավիրուսի մասին․ աշխարհ․ 26․06․20

Կորոնավիրուսի շուրջ զարգացումներ, Հայաստան, 25․06․20 (թարմացվող)

Նորություններ կորոնավիրուսի մասին, աշխարհ, 24․06․20 (թարմացվող)