16:38 - 31 հուլիսի, 2021
Ռուսաստանում հուլիսին կորոնավիրուսից մահացածների թիվը երկու անգամ գերազանցել է հունիսի ցուցանիշը |azatutyun.am|
azatutyun.am: Ռուսաստանում այս տարվա հուլիսին կորոնավիրուսից մահացել է 23 հազար 349 հիվանդ, ինչը գրեթե երկու անգամ գերազանցում է հունիսի ցուցանիշը՝ 13 հազար 713 մահ, փոխանցում է ՏԱՍՍ լրատվական գործակալությունը:
Նախորդ ամենամեծ ցուցանիշը գրանցվել է անցյալ տարվա դեկտեմբերին, երբ կորոնավիրուսի զոհ է դարձել 17 հազար 124 մարդ:
ՏԱՍՍ-ը նշում է, որ մահացության ցուցիչը գրեթե չի փոխվել, հունիսին այն հավասար էր 3.1 տոկոսի, իսկ հուլիսին կազմել է 3.11 տոկոս:
Ամբողջ համավարակի ընթացքում Ռուսաստանում մահացությունը կորոնավիրուսից 2.45 տոկոսից հասել է 2.53 տոկոսի:
Ընդհանուր հաշվով Ռուսաստանում ախտահարվել է ավելի քան 6 միլիոն 265 հազար 870 մարդ, մահացել է ավելի քան 158 հազար 560 հիվանդ: Ռուսաստանում կորոնավիրուսի հիմնական օջախը մայրաքաղաք Մոսկվան է համարվում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)