«Հայաստան» դաշինքի յութուբյան ալիքում հրապարակվել է տեսանյութ, որտեղ երևում է, թե ինչպես են ընդդիմադիր պատգամավորներ Քրիստինե Վարդանյանը և Աննա Մկրտչյանը մտնում Առողջապահության նախարարություն, Անահիտ Ավանեսյանի ուղղությամբ նետում լուսանկարներ։
Քրիստինե Վարդանյանը նախարարին ասում է․ «Տիկին Ավանեսյան, Դուք հերիք չի՝ էսքանից հետո խոսում եք, մի բան էլ ոստիկանությանը պաշտպանում եք, Ձեր փոխարեն մարդ ամոթ ունենար, չէր կարողանա աչքերը թարթել, էս տղերքի նկարները ձեր երազին ամեն օր պիտի գան։ Ես չգիտեմ՝ էսքանից հետո Դուք ոնց եք ապրում»։ Աննա Մկրտչյանն էլ նշում է․ «Ոստիկանության գոհունակությո՞ւն եք հայտնում, դրա՞ համար են Ձեզ էս պաշտոնին նշանակել»։
