Ինֆոթեգեր Մեր մասին
hy en ru
Նվիրաբերել

«Ճանապարհային դեպարտամենտ» հիմնադրամ

«Ճանապարհային դեպարտամենտ» հիմնադրամի գործունեության հիմնական առարկան և նպատակը Հայաստանի Հանրապետությունում ճանապարհաշինության ոլորտի ծրագրերի արդյունավետ իրականացման ապահովումն է:

Հիմնադրամի գործադիր տնօրենն է Ստեփան Մաչյանը։  

Նախկնում «Ճանապարհային դեպարտամենտը» պետական ոչ առևտրային կազմակերպություն էր (ՊՈԱԿ)։ ՀՀ կառավարության 6 օգոստոսի 2021թ. թիվ 1298-Ա որոշմամբ ՊՈԱԿ-ը վերակազմակերպվեց որպես «Ճանապարհային դեպարտամենտ» հիմնադրամ։

 

+37410 511391
ՏԿԵ փոխնախարարը և «Ճանապարհային դեպարտամենտի» ներկայացուցիչները քննարկել են ԵՆԲ համաֆինանսավորմամբ իրականացվող ծրագրերը

ՏԿԵ փոխնախարարը և «Ճանապարհային դեպարտամենտի» ներկայացուցիչները քննարկել են ԵՆԲ համաֆինանսավորմամբ իրականացվող ծրագրերը

Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը և «Ճանապարհային դեպարտամենտ» հիմնադրամի ներկայացուցիչները հանդիպել են Եվրոպական ներդրումային բանկի (ԵՆԲ) պատվիրակության հետ՝ Ռաֆալ Ռիբացկիի գլխավորությամբ։ Կողմերը քննարկել են ԵՆԲ համաֆինանսավորմամբ Հայաստանում իրականացվող ճանապարհաշինական ծրագրերը։ Մասնավորապես, անդրադարձ է եղել Հյուսիս-հարավ ճանապարհի Տրանշ-4-ի Սիսիան-Քաջարան հատվածի կառուցման ծրագրի ընթացիկ վիճակին և առաջիկա գործողություններին։ Նշենք, որ ԵՆԲ-ն ՎԶԵԲ-ի հետ համատեղ ֆինանսավորելու է Սիսիան-Քաջարան ճանապարհի 24.25 կմ երկարությամբ հարավային ենթահատվածի կառուցումը։ Այդ նպատակով նախատեսվում է ԵՆԲ-ից ներգրավել 137 մլն եվրոյի չափով վարկային միջոցներ։ Այս համատեքստում արծարծվել են վարկային համաձայնագրի ստորագրման ընթացակարգերին, ժամկետներին, ծրագրի իրականացման փուլերին առնչվող մի շարք հարցեր։ ԵՆԲ պատվիրակների հետ այնուհետև քննարկվել է Հյուսիս-հարավի Տրանշ-3-ի Լանջիկ-Գյումրի 23 կմ ճանապարհի կառուցման ընթացքը, որն ավարտական փուլում է, և Տրանշ-5-ի Գյումրու շրջանցիկ ճանապարհի կառուցման ծրագիրը։ Նշենք, որ Գյումրու շրջանցիկ ճանապարհի նախագծանախահաշվային փաստաթղթերի, շրջակա միջավայրի վրա ազդեցության գնահատման հաշվետվության և մրցութային փաթեթների թարմացման համար դրամաշնորհային հայտ է ներկայացվել ԵՄ «Տրանսպորտի ոլորտում ներդրումների համար արևելյան գործընկերության» (EPIC) գործիքակազմից օգտվելու համար, որը հաստատվել է, և նախաձեռնվել է համապատասխան համաձայնագրի շրջանառությունը։ Անդրադարձ է եղել նաև հեղեղումների հետևանքով Մ-6 միջպետական ճանապարհի փլուզված հատվածների վերականգնման խնդրին։ Կողմերը քննարկել են ճանապարհի վերականգնման հարցում ԵՆԲ-ի կողմից հնարավոր աջակցության սցենարները։ Նշվել է, որ կլիմայական փոփոխությունները մեծ ազդեցություն են ունենում ճանապարհային ենթակառուցվածքների վրա և ընդգծվել է, որ վերականգնման շրջանակներում նախագծեր կազմելիս պետք է հաշվի առնվեն նաև այն ռիսկերը, որոնք կարող են առաջանալ կլիմայի փոփոխության հետևանքով։
11:19 - 12 հուլիսի, 2024
Այսօրվանից Կիրանց գյուղի միջով անցնող միջպետական ճանապարհը չի գործում |azatutyun.am|

Այսօրվանից Կիրանց գյուղի միջով անցնող միջպետական ճանապարհը չի գործում |azatutyun.am|

azatutyun.am: Այսօրվանից Կիրանց գյուղի միջով անցնող միջպետական ճանապարհը չի գործում։ Հերթապահող պարեկները բոլոր անցնող մեքենաներին ցույց են տալիս Աճարկուտ գյուղով անցնող այլընտրանքային ճանապարհը, որն արդեն ասֆալտապատ է ու զուգահեռաբար դեռ աշխատանքներ են ընթանում։ Դպրոցի հարակից հատվածում, որտեղ սահմանային երեք մետրանոց պատ է կառուցվում, ճանապարհը փորված է։ Ենթադրաբար այդ հատվածում պատը շարունակվելու է մինչև փշալարեր։ Ու, չնայած, հայ-ադրբեջանական պայմանավորվածության համաձայն, կամուրջն ու մոտ մեկ կիլոմետրանոց ճանապարհն այս ամսվա վերջին են անցնելու Ադրբեջանին, բայց այսօրվանից փաստացի հայկական կողմն այն չի շահագործում։ «Ազատության»-ն այսօր էլ չթույլատրեցին նկարահանումներ անել կառուցվող պատի հարակից տարածքում, նաև՝ ճանապարհի այդ փորված հատվածում։ Անգամ հնարավոր չեղավ մոտենալ կառուցվող պատին։ Դիտարկմանը, թե այս նույն հատվածով երեխաները սեպտեմբերին հավանաբար դասի են գնալու նորակառույց դպրոցում, եթե այն շահագործման հանձնվի, և հարցին, թե ինչո՞ւ այդ դեպքում «Ազատության»-ը թույլ չեն տալիս գտնվել այդ նույն տարածքում, ԱԱԾ աշխատակիցը պատասխանեց՝ հրահանգ ունի՝ թույլ չտալ։ Այսօր առավոտյան Ճանապարհային դեպարտամենտն էր հայտարարել, որ այսօրվանից ժամանակավորապես փակվում է Կիրանցի ճանապարհը շինարարական աշխատանքների պատճառով։ Ըստ հաղորդման՝ տվյալ հատվածը վարորդները կարող են շրջանցել Հ-58-Աճարկուտ-Հ-58 ավտոճանապարհով։ Լուսանկարում՝ դեպի ձախ Աճարկուտով Կիրանց տանող նոր ճանապարհը    
13:03 - 10 հուլիսի, 2024
Կիրանց-Աճարկուտ ավտոճանապարհին կիրականացվեն պայթեցման աշխատանքներ

Կիրանց-Աճարկուտ ավտոճանապարհին կիրականացվեն պայթեցման աշխատանքներ

Ճանապարհաշինական աշխատանքներով պայմանավորված՝ հունիսի 26-ին` ժամը 11.00-ի սահմաններում, Կիրանց-Աճարկուտ ավտոճանապարհին կիրականացվեն պայթեցման աշխատանքներ։   «Հանրությանը հորդորում ենք չանհանգստանալ»,- ասված է Ճանապարհային դեպարտամենտի տարածած հաղորդագրության մեջ։
19:04 - 25 հունիսի, 2024
«Ճանապարհային դեպարտամենտ»-ի ներկայացուցիչները իտալացի գործընկերների հետ այսօր կհետևեն Թալին-Լանջիկ‚ Լանջիկ-Գյումրի ճանապարհների շինաշխատանքներին

«Ճանապարհային դեպարտամենտ»-ի ներկայացուցիչները իտալացի գործընկերների հետ այսօր կհետևեն Թալին-Լանջիկ‚ Լանջիկ-Գյումրի ճանապարհների շինաշխատանքներին

«Ճանապարհային դեպարտամենտ» հիմնադրամի գործադիր տնօրենի տեղակալ Նարեկ Զուլալյանի‚ Հյուսիս-հարավ ճանապարհի Տրանշ-3 և Տրանշ-5 ծրագրերի ղեկավար Արեգ Եդիգարյանի‚ հիմնադրամի այլ աշխատակիցների‚ Տրանշ-3-ի (Թալին-Լանջիկ‚ Լանջիկ-Գյումրի) շինարար չինական «Սինոհիդրո Քորփորեյշն» ՍՊԸ-ի և տեխնիկական հսկողությունն իրականացնող իտալական «ԱյԱրԴի Ինջինիերինգ» ընկերության ներկայացուցիչների մասնակցությամբ երեկ տեղի է ունեցել հանդիպում Տրանշ-3 ծրագրի վեճերի միանձնյա խորհրդի անդամ Ռիչարդ Ափունի հետ։ Պավիրատուն‚ շինարարը և տեխհսկողը պարբերաբար ունենում են նման հանդիպումներ՝ քննարկելով ծրագրի ընթացիկ վիճակը‚ առկա խնդիրները և տալով դրանց լուծումներ։ Հանդիպման ընթացքում տեխհսկողություն իրականացնող թիմի ներկայացուցիչը մանրամասն տեղեկացրեց Տրանշ-3-ի առաջին և երկրորդ լոտերում ներկա վիճակը‚ ֆիզիկական ու ֆինանսական առաջընթացը‚ անդրադարձավ խնդիրներին։ Այսօր հանդիպման մասնակիցները կմեկնեն շինհրապարակ՝ տեղում դիտարկելու աշխատանքների ընթացքը‚ որից հետո կողմերը կամփոփեն դաշտային այցի և քննարկումների արդյունքները։ Նշենք‚ որ նման հանդիպումների նպատակը ոչ միայն ծագած հարցերը լուծելն է, այլև վեճերի միանձնյա խորհրդի անդամի կողմից խորհրդատվությամբ աջակցելը՝ կողմերի միջև կնքված և FIDIC պայմանագրերի դրույթներին համապատասխան։ Հիշեցնենք‚ որ Տրանշ-3-ի Թալին-Լանջիկ 18.7կմ ճանապարհահատվածի շինարարությունն ավարտվել է‚ իսկ Լանջիկ-Գյումրի 23կմ հատվածի շինարարությունը նախատեսված է ավարտել այս տարի։
09:16 - 19 հունիսի, 2024
Քննարկվել է Քաջարան-Ագարակ ճանապարհահատվածի շինաշխատանքների ընթացքը

Քննարկվել է Քաջարան-Ագարակ ճանապարհահատվածի շինաշխատանքների ընթացքը

«Ճանապարհային դեպարտամենտ» հիմնադրամի գործադիր տնօրենի տեղակալ Կարեն Բադալյանը և հիմնադրամի ներկայացուցիչները հանդիպել են Հյուսիս-հարավ ճանապարհի Տրանշ-4-ի Քաջարան-Ագարակ 32կմ ճանապարհահատվածի շինարարական կազմակերպության՝ իրանական Abad Rahan Pars International Group և Tunnel Sadd Ariana ՀՁ-ի և տեխնիկական հսկողությունն իրականացնող խորվաթական Institute IGH, Joint-Stock Company for Research and Development in Civil Engineering ընկերության ղեկավար կազմի հետ։ Հանդիպման ընթացքում քննարկվել է ներկա պահին շինհրապարակում աշխատանքների առաջընթացը։ Շեշտվել է շինարարության տեմպերն ավելացնելու անհրաժեշտությունը‚ արծարծվել են աշխատանքային այլ հարցեր։
09:55 - 18 հունիսի, 2024
Հ-70, Մ-6-Աթան հանրապետական նշանակության ավտոճանապարհը օրվա որոշ ժամերին կփակվի

Հ-70, Մ-6-Աթան հանրապետական նշանակության ավտոճանապարհը օրվա որոշ ժամերին կփակվի

Հ-70, Մ-6-Աթան հանրապետական նշանակության ավտոճանապարհի կմ0+000 – կմ27+500 հատվածի հիմնանորոգման աշխատանքներով պայմանավորված՝ նշված ճանապարհի տարբեր հատվածներում մինչև հունիսի 23-ն իրականացվելու են շեպերի հանույթ և քարաթափում։ Այս մասին հայտնում է «Ճանապարհային դեպարտամենտը»։ Անվտանգության նկատառումներից ելնելով՝ օրվա ընթացքում որոշ ժամերի ճանապարհը կփակվի։
12:34 - 17 հունիսի, 2024
Քաջարան-Ագարակ ճանապարհահատվածում ընթանում են շինարարական աշխատանքներ. պայթեցումների միջոցով բացվում են թունելի մուտքերը

Քաջարան-Ագարակ ճանապարհահատվածում ընթանում են շինարարական աշխատանքներ. պայթեցումների միջոցով բացվում են թունելի մուտքերը

Հյուսիս-հարավ ճանապարհի Քաջարան-Ագարակ 23 կմ ճանապարհահատվածում ընթանում են շինարարական աշխատանքներ։ Կապալառու կազմակերպությունը՝ իրանական Abad Rahan Pars International Group և Tunnel Sadd Ariana ՀՁ-ն‚ կատարում է պայթեցման‚ հողային աշխատանքներ։ Շինարարությունն ընթանում է 6 տեղամասում։ Մոտ մեկ ամսից նախատեսվում է սկսել թունելի հորատման աշխատանքները։ Այժմ պայթեցումների միջոցով բացվում են թունելի մուտքերը։ Այդ մասին հայտնում են «Ճանապարհային դեպարտամենտ» հիմնադրամից: 32 կմ ճանապարհահատվածում‚ մայրուղիների համար նախատեսված եվրոպական նորմերով‚ նախատեսվում է կառուցել 17 կամուրջ‚ 2 թունել (ընդհանուր շուրջ 900 մ երկարությամբ)‚ 5 տրանսպորտային հանգույց։ Շինաշխատանքների տեխնիկական հսկողությունը կատարում է խորվաթական Institute IGH, Joint-Stock Company for Research and Development in Civil Engineering ընկերությունը։ Քաջարան-Ագարակ հատվածի կառուցումը ֆինանսավորվում է Հայաստանի Հանրապետության և Եվրասիական զարգացման բանկի Կայունացման և զարգացման եվրասիական հիմնադրամի միջոցներով: Ծրագիրն իրականացնում է «Ճանապարհային դեպարտամենտ» հիմնադրամը։
11:52 - 17 հունիսի, 2024
Թեթև մարդատար մեքենաների երթևեկությունը Մ6 մայրուղու վրա վերականգնված է․ Գոռ Ավետիսյան

Թեթև մարդատար մեքենաների երթևեկությունը Մ6 մայրուղու վրա վերականգնված է․ Գոռ Ավետիսյան

Թեթև մարդատար մեքենաների երթևեկությունը Մ6 մայրուղու վրա վերականգնված է: Այս մասին հայտնել է «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը։ «Նաև որոշակի սահմանափակումներով անհրաժեշտություն է առաջանում բեռնատարների երթևեկություն իրականացնել: Չնայած այս ամենին՝ վարորդներին հորդորում ենք առավել զգոն լինել այդ հատվածում երթևեկում իրականացնելիս»,- նշել է նա:   
22:25 - 07 հունիսի, 2024
Հայաստանի տարածքում փակ ավտոճանապարհներ կան

Հայաստանի տարածքում փակ ավտոճանապարհներ կան

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Արարատի մարզի Գետափնյա գյուղի մոտ գտնվող կամրջի՝ հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։ Ըստ Ճանապարհային դեպարտամենտ հիմնադրամի՝ փակ է Վանաձոր-Ալավերդի-Այրում-Բագրատաշեն ավտոճանապարհը։ Վարորդներին հորդորվում է դեպի Վրաստանի սահման ուղևորվելիս Մ-6-ը շրջանցել Մ-3 Մարգարա-Վանաձոր-Տաշիր-ՀՀ սահման և Մ-1 Երևան-Գյումրի-ՀՀ սահման միջպետական ավտոճանապարհներով։ Մ-4, Երևան-Սևան-Իջևան-ՀՀ սահման ավտոճանապարհի՝ Դիլիջանից մինչև Իջևան հատվածը երթևեկելի է։ Որոշ տեղամասերում, սակայն, երթևեկությունը միակողմանի է։ Խաշթառակ և Լուսահովիտ գյուղեր տանող կամուրջը երկկողմանի փակ է: Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։    
09:31 - 03 հունիսի, 2024
Միջպետական մայրուղու՝ Հաղպատից դեպի Ալավերդի հատվածն արդեն անցանելի է

Միջպետական մայրուղու՝ Հաղպատից դեպի Ալավերդի հատվածն արդեն անցանելի է

Մ6 միջպետական մայրուղու 58-րդ կիլոմետրի վնասված հատվածը՝ Հաղպատից դեպի Ալավերդի, արդեն անցանելի է: Այդ մասին հայտնում են «Ճանապարհային դեպարտամենտ» հիմնադրամից:  
20:20 - 30 մայիսի, 2024
Կապան-Մեղրի ճանապարհի քարաթափված հատվածը մաքրվել է

Կապան-Մեղրի ճանապարհի քարաթափված հատվածը մաքրվել է

Մ2- Հ63- Կապան-Ծավ-Մ2 / Մեղրիի հատված/ ճանապարհի կմ 59+250 քարաթափված հատվածի մաքրման աշխատանքներն ավարտվել են։ Ճանապարհը բաց է բոլոր տիպի տրանսպորտային միջոցների համար։ Այս մասին հայտնում են «Ճանապարհային դեպարտամենտ» հիմնադրամից։  
21:34 - 27 մայիսի, 2024
Ամրաշինական աշխատանքներ են կատարվել՝ կանխարգելելու Աղստև գետի ավերածությունները Դիլիջան-Իջևան ճանապարհին

Ամրաշինական աշխատանքներ են կատարվել՝ կանխարգելելու Աղստև գետի ավերածությունները Դիլիջան-Իջևան ճանապարհին

Ճանապարհը սպասարկող ընկերությունն ամրաշինական աշխատանքներ է կատարել՝ կանխարգելելու համար Աղստև գետի ավերածությունները Դիլիջան-Իջևան ճանապարհին։ Այդ մասին հայտնում են «Ճանապարհային դեպարտամենտ» հիմնադրամից:
13:59 - 27 մայիսի, 2024
Դիլիջանից մինչև Իջևան հատվածը երթևեկելի է

Դիլիջանից մինչև Իջևան հատվածը երթևեկելի է

Ժամը 09։30-ի դրությամբ, Մ-4, Երևան-Սևան-Իջևան-ՀՀ սահման ավտոճանապարհի Դիլիջանից մինչև Իջևան հատվածը երթևեկելի է։ Ճանապարհային դեպարտամենտից հայտնում են, որ որոշ տեղամասերում, սակայն, երթևեկությունը միակողմանի է։ «Հարգելի՛ վարորդներ, հորդորում ենք նշված հատվածներում լինել ուշադիր, խստագույնս պահպանել ճանապարհային երթևեկության կանոնները»։ Հիշեցնենք, որ մայիսի 26-ին հորդառատ անձրևներիից Լոռու եւ Տավուշի մարզերում, ինչպես նաև Դեբեդ, Աղստև, Տաշիր գետերի վարարման հետևանքով նշված բնակավայրերում առաջացել էին հեղեղումներ, փլուզվել կամուրջներ, փակվել ճանապարհներ՝ այդ թվում՝ Դիլիջան – Իջևան ճանապարհահատվածը։
09:52 - 27 մայիսի, 2024
Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ

Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ

Հյուսիս-հարավի Տրանշ-2-ի Ագարակի հնագիտական վայրը շրջանցող մոտ 8կմ երկարությամբ ճանապարհի կառուցման աշխատանքներով պայմանավորված՝ մայիսի 20-ին՝ ժամը 15։00-17։00-ի սահմաններում‚ Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ: «Ճանապարհային դեպարտամենտ» հիմնադրամից հայտնում են, որ տարածքը գտնվում է անվտանգության գոտուց դուրս‚ և ճանապարհը փակելու կարիք չկա։ 
09:32 - 20 մայիսի, 2024
Քննարկվել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր

Քննարկվել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր

«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, փոխտնօրեն Կարեն Բադալյանը‚ հիմնադրամի այլ ներկայացուցիչներ հանդիպել են Իրանի Իսլամական Հանրապետության (ԻԻՀ) Ճանապարհների և քաղաքաշինության նախարարության պաշտոնյաների հետ։ Այս մասին հայտնում են հիմնադրամից: Կողմերը քննարկել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր։ Նշենք, որ Մեղրիի սահմանային անցակետի տարածքում ԻԻՀ-ի և ՀՀ-ի միջև առաջին կամրջային անցումն Արաքս գետի վրայով շահագործման է հանձնվել 1996 թ.։ Գործող կամրջի երկարությունը 192 մ է։ Նախքան կամրջի շահագործումը երկու երկրների միջև բեռների և ուղևորների փոխադրումն իրականացվել է լողացող կամրջի միջոցով։ Իրանի մասնագետների կողմից Մեղրիի սահմանային անցակետում ուղևորափոխադրումների և բեռնափոխադրումների ծավալների վերաբերյալ իրականացված վերջին հետազոտության համաձայն՝ 2023 թվականի չորրորդ եռամսյակում տրանսպորտային միջոցների ընդհանուր թիվը, նախորդ տարվա նույն ժամանակահատվածի համեմատ, զգալիորեն աճել է։ Հաշվի առնելով ՀՀ-ԻԻՀ սահմանը հատող մեքենաների թվի աճը, ինչպես նաև Ագարակ-Քաջարան ճանապարհահատվածի կառուցման և արդիականացման արդյունքում ուղևորափոխադրումների ու բեռնափոխադրումների կանխատեսվող աճի արագ տեմպերը՝ առաջացել է Հայաստանի և Իրանի միջև երկրորդ կամրջի կառուցման անհրաժեշտություն։ Հայաստանի և Իրանի ներկայացուցիչները հանդիպման ընթացքում քննարկել են կամրջի կառուցման ծրագիրը մշակելու նպատակով աշխատանքային խումբ ստեղծելու հարցը։ Հայկական կողմն ուղարկել է հայ մասնագետների առաջարկվող ցանկը՝ աշխատանքային խմբում ներգրավելու համար։ Ստեղծվելիք աշխատանքային խումբը կքննարկի և կմշակի կամրջի կառուցման կոնցեպտը։
10:38 - 14 մայիսի, 2024
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին

ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին

ՀՀ տարածքային կառավարման և ենթակառուցվածքների նախարար Գնել Սանոսյանն աշխատանքային այցով Արմավիրի մարզում էր։ ՏԿԵ նախարարը «Ճանապարհային դեպարտամենտի» ղեկավար Գոռ Ավետիսյանի, մարզպետ Դավիթ Խուդաթյանի, համայնքապետների ուղեկցությամբ հետևել է մարզում պետական բյուջեի միջոցներով, ինչպես նաև սուբվենցիոն ծրագրի շրջանակներում իրականացվող ճանապարհաշինական աշխատանքների ընթացքին։ Նախարար Սանոսյանի առաջին կանգառը Տ-3-44 /Մ-5/ – Ծիածան – Աղավնատուն – Լեռնամերձ ճանապարհն էր։ Ընդհանուր 7.3 կմ երկարությամբ ճանապարհը կապում է Արմավիրի մարզի Խոյ համայնքի Ծիածան-Աղավնատուն-Լեռնամերձ գյուղերը: Շինաշխատանքները մեկնարկել են 2024 թվականի գարնանը։ Ներկայումս իրականացվում են հողային պաստառի վերականգնման, եզրաքարերի կառուցման, մայթերի սալիկապատման, կամուրջների վերականգնման և ասֆալտապատման աշխատանքներ։ Ընդհանուր աշխատանքները նախատեսվում է ավարտել այս տարվա օգոստոսին: Ծրագրի պայմանագրային արժեքը կազմում է 775 080 000 ՀՀ դրամ։   Հաջորդ կանգառը Դողս-Աղավնատուն ճանապարհահատվածն էր, որտեղ այս պահին իրականացվում են ասֆալտապատման աշխատանքներ: Ծրագիրն իրականացվում է սուբվենցիոն ծրագրի շրջանակներում, որի ընդհանուր արժեքը կազմում է շուրջ 96 մլն դրամ։ Նախարարը ծանոթացել է կատարվող աշխատանքին, զրուցել շինարարների հետ, լսել բոլոր խնդիրները և տվել մի շարք հանձնարարականներ։
13:08 - 03 մայիսի, 2024