18:57 - 15 հուլիսի, 2023
Ինչ է քննարկվել եռակողմ հանդիպմանը․ ՀՀ կառավարությունը հաղորդագրություն է տարածել
Բրյուսելում տեղի է ունեցել Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը: Այս մասին հայտնում է ՀՀ կառավարության մամուլի ծառայությունը։
Ըստ հաղորդագրության՝ հանդիպման ընթացքում քննարկվել են
- Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում ստեղծված խորացող հումանիտար ճգնաժամին,
- երկու երկրների միջև սահմանազատման և սահմանային անվտանգության ապահովման աշխատանքներին,
- տարածաշրջանային տրանսպորտային և տնտեսական ենթակառուցվածքների ապաշրջափակմանը,
- Հայաստանի և Ադրբեջանի միջև հարաբերությունների կարգավորման համաձայնագրին,
- Լեռնային Ղարաբաղի ժողովրդի իրավունքների և անվտանգության հասցեագրմանը,
- ինչպես նաև գերիների, անհետ կորածների և այլ հումանիտար խնդիրներին վերաբերող հարցեր:
«Պայմանավորվածություն է ձեռք բերվել ակտիվացնել աշխատանքները քննարկված հարցերի կարգավորման ուղղությամբ»,- ասվում է հաղորդագրության մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)