hetq.am: Ադրբեջանի «Azercosmos» տիեզերական գործակալությունը և Israel Aerospace Industries (IAI) ընկերությունը Բաքվում համաձայնագիր են ստորագրել՝ Azersky-2 ծրագրի համար դիտարկման երկու արբանյակ ստեղծելու մասին։

Ինչպես փոխանցում է ադրբեջանական կողմը, այս արբանյակները հագեցած կլինեն բարձր կարգի էլեկտրաօպտիկական ընկալող-հաղորդող սարքերով։ Իսրայելական կողմն իր վրա կվերցնի առաջին արբանյակի նախագծման, հավաքման, ինտեգրման և թեստավորման պարտավորությունը՝ գործընթացին ներգրավելով ադրբեջանցի մասնագետներին։

Բացի այդ, իսրայելական կողմը «Azercosmos»-ին կօգնի Ադրբեջանի տարածքում արբանյակների ստեղծման նոր կենտրոնի նախագծի մշակման հարցում։ 

Իսրայելական Globes պարբերականը, հղում անելով իր աղբյուրներին, գրում է, որ խոսք Ադրբեջանին OptSat500 տեսակի արբանյակների վաճառքի մասին է: Գործարքի ընդհանուր արժեքը կազմում է 120 միլիոն դոլար։ Այդ արբանյակները շահագործման տեսանկյունից երկարաժամկետ են և ունեն բարձր ճշգրտության նկարահանման հնարավորություններ:

Շարունակությունը՝ hetq.am-ում