tert.am: Դաշնային խորհուրդը ՌԴ նախագահական ընտրություններ է նշանակել 2024 թվականի մարտի 17-ին, պալատը միաձայն հաստատել է բանաձևը, հայտնում է ՌԻԱ Նովոստին։

«Ռուսաստանի Դաշնության նախագահական ընտրությունները նշանակել 2024 թվականի մարտի 17-ին: Սույն որոշումն ուժի մեջ է մտնում պաշտոնական հրապարակման օրվանից»,- ասվում է փաստաթղթում։

Ինչպես հայտարարել է պալատի խոսնակ Վալենտինա Մատվիենկոն, այս որոշումը նշանավորում է նախընտրական արշավի մեկնարկը։ Նա ընդգծել է, որ գալիք ընտրությունները կարևորագույն քաղաքական իրադարձություն են, որը մեծապես կորոշի Ռուսաստանի զարգացման վեկտորը։