19:35 - 28 դեկտեմբերի, 2023
ՍԴ դատավոր Արայիկ Թունյանը հրաժարականի դիմում է ներկայացրել Ալեն Սիմոնյանին
Սահմանադրական դատարանի դատավոր Արայիկ Թունյանը հրաժարականի դիմում է ներկայացրել։ Տեղեկությունը հայտնում է ՀՀ ազգային ժողովի մամուլի ծառայությունը։
Դատավորի հրաժարականի դիմումի մասին հայտարարություն է տարածել ՀՀ ԱԺ նախագահ Ալեն Սիմոնյանը։
««Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի համաձայն` հայտարարում եմ, որ Հայաստանի Հանրապետության Սահմանադրական դատարանի դատավոր Ա. Թունյանը 2023 թվականի դեկտեմբերի 26-ին հրաժարականի դիմում է ներկայացրել»:
Հիշեցնենք, որ Արայիկ Թունյանը ՀՀ սահմանադրական դատարանի անդամ է 2014 թվականի հունիսի 9-ից։ Նա իրավաբանական գիտությունների թեկնածու է, դոցենտ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)